თბილისი, 18 ივნისი — Sputnik. ინგლისის ნაკრებმა რუსეთში მსოფლიო ჩემპიონატზე G ჯგუფის მატჩში ტუნისთან მოიგო ანგარიშით 2:1.
ინგლისის გუნდში თავი გამოიჩინა ჰარი კეინმა (მე-11 წუთი და 90+1), ტუნისის ნაკრებიდან ფერტანი სასიმ გაიტანა (35-ე წუთი, პენალტი).
მანამდე ორშაბათს G ჯგუფში ბელგიამ პანამას მოუგო ანგარიშით 3:0.
ჯგუფური ეტაპის მომდევნო ტურში 23 ივნისს მოსკოვში „სპარტაკის“ სტადიონზე ტუნისის ნაკრები ბელგიელებს დაუპირისპირდება, ხოლო ინგლისელები 24 ივნისს ნიჟნი ნოვგოროდში პანამას შეხვდებიან.
2018 წლის მსოფლიო ჩემპიონატი რუსეთში 14 ივნისიდან 15 ივლისამდე გაგრძელდება, ტურნირის მატჩები 11 ქალაქის 12 სტადიონზე იმართება.
მთელი ინფორმაცია ფეხბურთის მსოფლიო ჩემპიონატის შესახებ იხილეთ Sputnik FIFA-2018-ის სპეცპროექტზე.