თბილისში „ღამის კულტურული ტურები“ დაიწყო

თბილისი, 10 ივნისი — Sputnik. რიყის პარკში ღია ცის ქვეშ შაბათობით ქართული ფოლკლორის და ეროვნული ცეკვის საკონცერტო გამოსვლები პროექტის „ღამის კულტურული ტურები საქართველოში“ (Cultural Night Tours In Georgia) ფარგლებში გაიმართება.

პროექტი 9 ივნისს დაიწყო და 25 აგვისტოს დასრულდება. კონცერტები 20:00 საათზე დაიწყება.

„ღამის კულტურული ტურების“ მონაწილეები არიან ქართული ნაციონალური ბალეტი „სუხიშვილები“ და პოპულარული ვოკალური ანსამბლი „თეატრალური კვარტეტი".

ღონისძიება ეკონომიკისა და მდგრადი განვითარების სამინისტროს მხარდაჭერით, სამთავრობო პროგრამა Check In Georgia-ს ფარგლებში ხორციელდება, რომელიც საქართველოს საერთაშორისო იმიჯის ამაღლებას ემსახურება.