Sputnik-ის რეპორტიორმა გადაიღო ვიდეო, თუ რა ხდება თბილისის ქუჩებში მეტროს მემანქანეების გაფიცვის შემდეგ.
თბილისში უკვე მეორე დღეა მეტრო 23-ვე სადგური დაკეტილია, რამაც ქალაქში სატრანსპორტო კოლაფსი გამოიწვია — გაუსაძლისი საცობები გზებზე, ტაქსის გასამმაგებული ფასები და მგზავრებით გადაჭედილი საზოგადოებრივი ტრანსპორტი.
მეტროს მემანქანეები 4 ივნისის დილით გაიფიცნენ. ისინი აქციას გლდანის დეპოს ტერიტორიაზე მართავენ. აქციის ორგანიზატორი მეტროპოლიტენის მემანქანეების პროფკავშირები „ერთობა 2013"-ია. პროფკავშირების მონაცემებით, გაფიცვაში დაახლოებით 500 ადამიანი მონაწილეობს, მათგან 140-მა შიმშილობა დაიწყო.