თბილისი, 28 მაისი — Sputnik. ჩოხატაურის მუნიციპალიტეტის სოფელ ფარცხმაში 13 წლის დაკარგული მოზარდი იპოვეს, იუწყება „Sputnik-საქართველოს” კორესპონდენტი სოფლის სკოლის დირექტორზე დაყრდნობით.
13 წლის გოგონას სამართალდამცველები და ოჯახის წევრები დღეს დილიდან ეძებდნენ.
სოფელ ფარცხმის სკოლის დირექტორმა, ეთერ წილოსანმა განაცხადა, რომ დაკარგული გოგონა ერთი საათის წინ იპოვეს.
„Sputnik-საქართველოს” კორესპონდენტს შსს-ში დაუდასტურეს, რომ გოგონა ოჯახს უვნებელი დაუბრუნდა და თავს კარგად გრძნობს.
გოგონას ოჯახი მისი გაუჩინარების დეტალებზე კომენტარს არ აკეთებს.