თბილისში კიბერუსაფრთხოების საკითხებზე იმსჯელებენ

თბილისი, 17 მაისი — Sputnik.  თბილისში კიბერუსაფრთხოებისადმი მიძღვნილი რუსულენოვანი კონფერენცია „ინფორმაციული უსაფრთხოების კოდი“ 24 მაისს გაიმართება, რომელშიც 100–ზე მეტი ადამიანი მიიღებს მონაწილეობას.  

კონფერენციაზე განიხილავენ ინფორმაციული უსაფრთხოების ტრენდებს, საკვანძო ტექნოლოგიებს, ასევე დარგის პრობლემებს და მათი გადაჭრის გზებს.

კონფერენციაზე იგეგმება რუსი, ქართველი და უკრაინელი ექსპერტების გამოსვლა, მათ შორის, Internet Development Initiative–ის წარმომადგენელი ლადო სვანაძე, „აიტი ტასკის“ წარმომადგენელი დმიტრი ილინი,  SearchInform–ის წარმომადგენელი სერგეი ანანიჩი,  InfoWatch–ის წარმომადგენელი ალექსანდრ გორსკი,  Softprom by ERC–ის წარმომადგენელი ვადიმ ლეშინსკი და სხვები.

 საქართველოში მსგავსი კონფერენცია მეორედ ტარდება.  საერთაშორისო საინფორმაციო სააგენტო და რადიო  „Sputnik საქართველო“ წლევანდელი კონფერენციის საინფორმაციო პარტნიორია.