თბილისი, 14 მაისი — Sputnik. „Sputnik-საქართველოს" მკითხველთა უმრავლესობისთვის საერთაშორისო სიმღერის კონკურსი „ევროვიზია-2018" მნიშვნელოვანი არ იყო და, შესაბამისად, არ უნახავს.
გამოკითხვაში მონაწილეთა 47,6%-მა უპასუხა, რომ არ აპირებდა კონკურსის ნახვას, რადგან მას უსამართლო კონკურსად მიიჩნევს.
„ევროვიზიის" კონკურსს დიდი ინტერესით ელოდებოდა გამოკითხულთა 28,6%, ხოლო მისთვის თვალის მიდევნებას — 23,8%.
მუსიკა იმარჯვებს თუ პოლიტიკა: საქართველოს წარუმატებლობის მიზეზი ევროვიზია 2018-ზე >>
წელს „ევროვიზია-2018" პორტუგალიის დედაქალაქ ლისაბონში პირველად ჩატარდა. კონკურსის ფინალი 12 მაისს გაიმართა. „ევროვიზია-2018"-ის გამარჯვებული ისრაელის მონაწილე ნეტა ბარზელაი გახდა, რომელმაც 529 ქულა დააგროვა.
წელს „ევროვიზიაში" მონაწილეობდა 43 ქვეყნის კონკურსანტი, მათგან ფინალში 26 გავიდა. კონკურსზე საქართველოს ეთნო-ჯგუფი „ირიაო" წარადგენდა, რომელმაც ფინალში გასვლა ვერ მოახერხა.