თბილისი, 7 მაისი — Sputnik. ხობის მუნიციპალიტეტის სოფელ ჭიხუში ერთ-ერთ საცხოვრებელ სახლს ცეცხლი გაუჩნდა, იტყობინება ადგილიდან „Sputnik —საქართველოს“ კორესპონდენტი.
თვითმხილველთა განცხადებით, ცეცხლი სახლის მეორე სართულზე გაჩნდა.
ამ წუთებში ცეცხლის ლოკალიზებას ოთხი სახანძრო-სამაშველო ბრიგადა ცდილობს. საბედნიეროდ, ოჯახმა სახლიდან გამოსვლა დროულად შეძლო. დაშავებული არავინაა. დამწვარია საყოფაცხოვრებო ნივთები.
ადგილზე მობილიზებულია სასწრაფო დახმარების ბრიგადა და პოლიცია.
ცეცხლის გაჩენის გამომწვევი მიზეზი ჯერჯერობით უცნობია.