თბილისი, 22 აპრილი — Sputnik. საქართველოს ყინულის ჰოკეის ეროვნული ნაკრები 2018 წლის ყინულის ჰოკეის მსოფლიო ჩემპიონატის III დივიზიონის გამარჯვებულია, იუწყება საზოგადოებრივი მაუწყებლის პირველი არხი.
მატჩში ოთხი გოლი გაიტანა ალექსანდრე ჟუჟუნაშვილმა, სამი გოლი — სემიონ ხარიზოვმა, მეტოქის კარში თითო გოლი გაიტანეს არტიომ კურბატოვმა, ივან შვეცოვმა, მიხაილ შალუნოვმა და ალექსანდრე ვასილჩენკომ.
ტურნირის ბოლო მატჩში ქართველი ჰოკეისტები ტაივანს დაუპირისპირდნენ და დიდი ანგარიშით 11:2 გაანადგურეს. მოპოვებული გამარჯვების შედეგად ქართველი ჰოკეისტები მომავალ წელს II დივიზიონის B ჯგუფში იასპარეზებენ.
ტურნირის წინა შეხვედრებში საქართველომ თურქეთი (6:2), ბულგარეთი (5:3), ჰონგ-კონგი (11:1) დაამარცხა და მხოლოდ მასპინძელ სამხრეთ აფრიკასთან წააგო (4:2).
დაჯილდოების ცერემონია ტურნირის ბოლო თამაშის შემდგომ (ჰონგ-კონგი – სამხრეთ აფრიკა) გაიმართება.