თბილისი, 3 აპრილი — Sputnik. პიზაში პოლიციამ საფულის ქურდობაში ბრალდებული საქართველოს მოქალაქე დააკავა, იუწყება საზოგადოებრივი მაუწყებლის პირველი არხი.
იტალიური მედიის ცნობით, 30 წლის პ.ბ.-მ პიზის ერთ-ერთ ბარში მყოფ ჯარისკაცს საფულე მოპარა. ბოროტმოქმედი მოგვიანებით ბარის მეპატრონემ და საფულის მფლობელმა დააკავეს. დამნაშავეს შემთხვევის ადგილზე მისული პოლიციისთვის წინააღმდეგობა არ გაუწევია.
გავრცელებული ინფორმაციით, მან პოლიციას განუცხადა, რომ იგი ტურისტია და იტალიაში მოგზაურობს. სამართალდამცველებმა საქართველოს მოქალაქე წინასწარი დაკავების იზოლატორში გადაიყვანეს. სასამართლო პროცესზე მოსამართლემ გაითვალისწინა, რომ დაკავებული ადრე ნასამართლევი არ ყოფილა და ის გაათავისუფლეს.