თბილისი, 23 მარტი — Sputnik. თელავში ავტოსაგზაო შემთხვევის შედეგად 23 წლის ახალგაზრდა დაიღუპა, იუწყება საზოგადოებრივი მაუწყებლის პირველი არხი.
გავრცელებული ინფორმაციით, ავტომობილში სამი მგზავრი იმყოფებოდა. ავტომობილის მძღოლმა საჭე ვერ დაიმორჩილა და ხეს შეეჯახა.
უბედური შემთხვევის შედეგად მძღოლი ადგილზე გარდაიცვალა, ორი მგზავრი კი თელავის რეფერალურ საავადმყოფოში სხეულის სხვადასხვა დაზიანებებით გადაიყვანეს.
შემთხვევის ადგილზე საპატრულო და სასწრაფო დახმარების ეკიპაჟები იყო მობილიზებული.
მომხდარ ფაქტზე გამოძიება 276-ე მუხლით („ტრანსპორტის მოძრაობის უსაფრთხოების ან ექსპლუატაციის წესის დარღვევა") მიმდინარეობს.