მარნეულში აზერბაიჯანული დიასპორის წარმომადგენლებმა ნოვრუზ-ბაირამის აღსანიშნავად საზეიმო ღონისძიებები და კონცერტი გამართეს. იხილეთ „Sputnik-საქართველოს“ ფოტომასალაში სურათები სადღესასწაულო ღონისძიებიდან.
ნოვრუზი — გაზაფხულის დღესასწაული და ახალი წლის დადგომაა მზის ასტრონომიული კალენდრის მიხედვით. ირანელი და თურქი ხალხი ამ დღეს 21 მარტს აღნიშნავს. ეს დღესასწაული ახალი ცხოვრების დაწყების სიმბოლოა და ერთ-ერთი უძველესია — მას ჯერ კიდევ ჩვ.წ.აღ-მდე VII საუკუნეში აღნიშნავდნენ. "ნოვრუზ" სპარსულიდან ითარგმნება როგორც "ახალი დღე". დღესასწაულის დასახელება დამოკიდებულია ქვეყანასა და რეგიონზე, გვხვდება სხვადასხვა ფორმები — ნაურუზ, ნოვრუზ, ნაურიზ, ნურუზ, ნევრუზ, ნოურუზ და ა.შ.