„ჩვენი ამოცანა კვების პოპულარულ ობიექტებში მაღალი დონის სტანდარტების შენარჩუნებაა", – აღნიშნა გარემოს დაცვისა და სოფლის მეურნეობის მინისტრმა ლევან დავითაშვილმა.
გასულ კვირას სურსათის ეროვნული სააგენტოს სპეციალისტებმა თბილისში არსებულ შვიდ საზოგადოებრივი კვების ობიექტს საწარმოო პროცესი დროებით შეუჩერეს, რადგან ობიექტებზე კრიტიკული შეუსაბამობები დაფიქსირდა. სპეციალისტებმა თბილისში ამჯერად 19 რესტორანი და კაფე-ბარი შეამოწმეს, მათგან დადებითი შეფასება მხოლოდ სამმა მიიღო. იმ ობიექტებმა, რომლებსაც საწარმოო პროცესი არ შეუჩერდათ, სხვადასხვა ხარვეზების გამო შენიშვნები და ამ ხარვეზების აღმოსაფხვრელად გარკვეული დრო მიიღეს.