თბილისი, 16 მარტი — Sputnik. სურსათის ეროვნული სამსახურის სპეციალისტებმა თბილისში არსებულ შვიდ საზოგადოებრივი კვების ობიექტს საწარმოო პროცესი დროებით შეუჩერეს, იუწყება საინფორმაციო სააგენტო Новости-Грузия უწყების პრეს-სამსახურზე დაყრდნობით.
აღიშნულ ობიექტებზე კრიტიკული შეუსაბამობები დაფიქსირდა. როგორც სააგენტოში აღნიშნეს, კრიტიკულად ითვლება ის შეუსაბამობა, რომელიც ადამიანის სიცოცხლესა და ჯანმრთელობას საფრთხეს უქმნის. არსებული პრობლემების მოგვარება კი შეუძლებელია წარმოების დროებით შეჩერების გარეშე, აცხადებენ სააგენტოს ინსპექტორები.
სპეციალისტებმა თბილისში 19 რესტორანი და კაფე-ბარი შეამოწმეს, მათგან დადებითი შეფასება კი მხოლოდ სამმა მიიღო. იმ ობიექტებმა, რომლებსაც საწარმოო პროცესი არ შეუჩერდათ, სხვადასხვა ხარვეზების გამო შენიშვნები და ამ ხარვეზების აღმოსაფხვრელად გარკვეული დრო მიიღეს.
სურსათის ეროვნული სააგენტო საზკვების ობიექტების შემოწმებას პერიოდულად ახორციელებს.