თბილისში ტრამვაი უკვე 12 წელია, რაც გაუქმდა.
არც ისე დიდი ხნის წინ ტრამვაი საზოგადოებრივი ტრანსპორტის ერთ-ერთი ყველაზე გავრცელებული სახეობა იყო, თუმცა ბევრს ის უკვე აღარც ახსოვს.
ზოგიერთისთვის ტრამვაი სასიამოვნო მოგონებაა, ზოგისთვისაც წარსულის გადმონაშთი. თუმცა, ამაზე კარგად დაფიქრებაა საჭირო. ევროპაში ტრამვაი თანამედროვე რეალობაა. პირველ რიგში ტრანსპორტის ეს სახეობა ყველაზე უსაფრთხოა ეკოლოგიური თვალსაზრისით.
ტრამვაი თბილისში 1900-იანი წლების დასაწყისში გამოჩნდა, ხოლო 2006 წელს მათი კვალიც კი გაქრა.
დღეს, როდესაც ხელისუფლებას ქალაქის ისტორიული იერის შენარჩუნება და ეკოლოგიის დაცვა სურს, ქალაქში ტრამვაის ხელახალი გაჩენის შესახებაც ალაპარაკდნენ.