უშგული — დასახლება მაღალმთიან სვანეთში. იხილეთ ფოტომასალა, თუ როგორ გამოიყურება ზამთარში უშგული, რომელიც ევროპის ერთ-ერთ ყველაზე მაღალმთიან მუდმივად დასახლებულ ადგილად მიიჩნევა.
უშგული ზღვის დონიდან 2200 მეტრის სიმაღლეზეა. აქ დაახლოებით 70 ოჯახი ცხოვრობს, ფუნქციონირებს სკოლა. წელიწადში ექვსი თვის განმავლობაში უშგული თოვლითაა დაფარული და მესტიისკენ მიმავალი გზა ხშირად იხერგება. უშგულის თემი ოთხი სოფლისგან შედგება — ჟიბიანი, ჩვიბიანი, ჩაჟაში და მურყმელი.
უშგულის არქიტექტურა ისტორიულ ძეგლად მიიჩნევა, დიდწილად სწორედ ამიტომ არის ზემო სვანეთი იუნესკოს მსოფლიო მემკვიდრეობის სიაში შესული. სოფლებში შემორჩენილია ტრადიციული სვანური კოშკები. სოფელი ჟიბიანის მაღლობზე ასევე შემორჩენილია XI საუკუნეში აგებული ღვთისმშობლის ტაძარი, რომელსაც უშგულში ლამარიას ეკლესიას უწოდებენ.