თბილისი, 22 თებერვალი — Sputnik. სალაშქრო სეზონი საქართველოში რაჭიდან დაიწყება და ოფიციალურად 13 აპრილს გაიხსნება, ნათქვამია მოლაშქრეთა ეროვნული ფედერაციის Facebook-გვერდზე.
ბანაკებს დასცემენ შაორის ტბის მიმდებარე ტერიტორიაზე, რომელიც ზღვის დონიდან 1,1 ათას მეტრ სიმაღლეზე მდებარეობს.
„სალაშქრო სეზონის გახსნა საერთო ინტერესების მქონე ადამიანების დაახლოების ბრწყინვალე საშუალებაა", — აღნიშნულია განცხადებაში.
ლაშქრობის მონაწილეებს ელოდებათ გრანდიოზული კონცერტი ქართველი მუსიკოსების მონაწილეობით, ასევე სხვადასხვა სპორტული ასპარეზობა, პრეზენტაცია, დაჯილდოება და სხვა ღონისძიებები.
სეზონის პირველი ლაშქრობის პარტნიორია საქართველოს ტურიზმის ეროვნული ადმინისტრაცია.