თბილისი, 16 თებერვალი – Sputnik. რთული მეტეოროლოგიური პირობების გამო ზუგდიდი-ჯვარი-მესტია-ლასდილის საავტომობილო გზაზე შეზღუდვებია დაწესებული, ნათქვამია საქართველოს რეგიონალური განვითარებისა და ინფრასტრუქტურის სამინისტროს საავტომობილო დეპარტამენტის ვებ-გვერდზე გავრცელებულ ინფორმაციაში.
დეპარტამენტის ინფორმაციით, აღნიშნული საავტომობილო გზის 30–186-ე კმ (ჯვარი–უშგული) მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა.
„დანარჩენი სახის ავტოტრანსპორტის მოძრაობა 30-138-ე კმ (ჯვარი-მესტია) მონაკვეთზე თავისუფალია. ხოლო, 139-186-ე კმ (მესტია-უშგული) მონაკვეთზე დასაშვებია მოცურების საწინააღმდეგო ჯაჭვების გამოყენებით, ორი და მეტი წამყვანი ხიდის მქონე ავტოტრანსპორტის მოძრაობა კი თავისუფალია“,- ნათქვამია განცხადებაში.
დეპარტამენტის ინფორმაციით, ამავე გზის 1-30-ე კმ მონაკვეთზე ავტოტრანსპორტის მოძრაობა თავისუფალია.
შექმნილი ვითარებიდან გამომდინარე, საავტომობილო გზების დეპარტამენტი მოსახლეობას მოუწოდებს, იმოძრაონ ზამთრის პერიოდისათვის შესაბამისი საბურავებით, გამართული ავტოტრანსპორტით და დაემორჩილონ საავტომობილო გზებზე დაწესებულ რეჟიმებს.