ნინოობას ქართული მართლმადიდებლური ეკლესია წელიწადში ორჯერ აღნიშნავს: 27 იანვარს — წმიდა ნინოს გარდაცვალების დღესა და 1 ივნისს — საქართველოში მისი შემობრძანების დღეს
მოციქულთა სწორი წმიდა ნინოს თმით შეკრული ჯვარი ვაზისა, რომლითაც შემოვიდა ქართველთა განმანათლებელი ჩვენს ქვეყანაში, ღვთისმშობლის სახელობის სიონის საკათედრო ტაძარში ინახება.
წმიდა ნინოს ჩვენში არა მხოლოდ განმანათლებლად, ზეციურ მფარველადაც მიიჩნევენ და მის სახელზე ბევრი ტაძარია აგებული. მარტო თბილისში მისი სახელობის ხუთი ტაძარი არსებობს, სადაც ნინოობა განსაკუთრებით საზეიმოდ აღინიშნება.