თბილისი, 13 იანვარი — Sputnik. თბილისის საერთაშორისო აეროპორტმა ძლიერი ნისლის გამო დღის განმავლობაში ექვსი თვითმფრინავი ვერ მიიღო, იუწყება საზოგადოებრივი მაუწყებლის პირველი არხი.
დღის განმავლობაში თეირანი-თბილისისა და დუბაი-თბილისის რეისები გაუქმდა.
თბილისისკენ მომავალი კიდევ ოთხი თვითმფრინავი სხვა აეროპრტებში გადაამისამართეს. ორი რეისი – მოსკოვი-თბილისი და კიევი-თბილისი ქუთაისის საერთაშორისო აეროპორტში დაფრინდა, დანარჩენები — სხვა ქვეყნების აეროპორტებში.
ამ დროისათვის თბილისის საერთაშორისო აეროპორტმა მუშაობა ჩვეულ რეჟიმში განაგრძო.
თბილისში ღამით სინოპტიკოსები თოვლს ვარაუდობენ.