თბილისი, 13 იანვარი — Sputnik. ახალგაზრდა მამაკაცი დაჭრეს თბილისში, წერეთლის გამზირზე, „დინამოს“ სტადიონის მიმდებარე ტერიტორიაზე, იუწყება საზოგადოებრივი მაუწყებლის პირველი არხი.
გავრცელებული ინფორმაციით, ინციდენტი გამთენიისას მოხდა. ადგილზე ექსპერტ-კრიმინალისტები მუშაობდნენ.
შემთხვევის ადგილზე დაკავებულია ერთი პირი.
სისხლის სამართლის საქმე აღძრულია სსკ-ის 117-ე მუხლით, რაც ჯანმრთელობის განზრახ მძიმე დაზიანებას გულისხმობს.