კრწანისის მოედანზე ტრანსპორტის მოძრაობა შეიზღუდა

გამოწერა
მერიაში აცხადებენ, რომ მოედანზე მიმდინარე სამუშაოების დასრულებისთანავე სატრანსპორტო მოძრაობა სრულად აღდგება.

თბილისი, 25 ნოემბერი – Sputnik. თბილისში, კრწანისის მოედანზე სარეაბილიტაციო სამუშაოების მსვლელობის პერიოდში ტრანსპორტის მუშაობა დროებით შეიზღუდა. ინფორმაციას ქალაქ თბილისის მუნიციპალიტეტის მერია ავრცელებს.

აღმაშენებლის ხეივანი - Sputnik საქართველო
აღმაშენებლის ხეივანში მოძრაობა შეიზღუდება

კრწანისის მოედანზე აღნიშნული შეზღუდვა 30 ნოემბრამდე იმოქმედებს, მანამდე კი ადგილზე „ჭკვიანი შუქნიშნებით“ კონტროლირებადი ზებრა გადასასვლელი და გამწვანების ელემენტებით აღჭურვილი უსაფრთხოების კუნძულები მოეწყობა.

მერიის მიერ გავრცელებულ ინფორმაციაში ნათქვამია, რომ სრულად იქნება ათვისებული მოედანზე არსებული გამოუყენებელი ტერიტორია, რათა ქალაქში კიდევ ერთი მწვანე სივრცე შეიქმნას.

აღნიშნული სამუშაოების დასრულების შემდეგ მოედანზე სატრანსპორტო მოძრაობა სრულად აღდგება.

ყველა ახალი ამბავი
0