თბილისში ბინა ერთ ლარად კიდევ ექვს ოჯახს გადაეცემა

გამოწერა
თბილისის მერიის ინიციატივით 2018 წელს ბინა სიმბოლურ ფასად 445 ოჯახს გადაეცა.

თბილისი, 2 ოქტომბერი — Sputnik. დედაქალაქის მერია იმ მოქალაქეებს, რომლებსაც წლების განმავლობაში საცხოვრებელი ფართების დაკანონების პრობლემა აწუხებდათ, საცხოვრებელ ფართებს სიმბოლურ ფასად გადასცემს, განაცხადა თბილისის მერმა კახა კალაძემ დედაქალაქის მთავრობის დღევანდელ სხდომაზე.

კახა კალაძე - Sputnik საქართველო
თბილისის ბიუჯეტი მილიარდს გადააჭარბებს: როგორ დაიხარჯება თანხები

კალაძის განცხადებით, საცხოვრებელი ფართები სიმბოლურ ფასად, ერთ ლარად გადაეცემა საინგილოს ქუჩის N55, ღოღობერიძის N47 და ასევე მესამე მასივის მერვე კვარტლის მე-12 კორპუსში მცხოვრებ ექვს ოჯახს.

როგორც გასულ წელს თბილისის მერმა კახა კალაძემ განაცხადა, ბინათმშენებლობის კოოპერატივებით დაზარალებული მოსახლეობის კომპენსირება მომდევნო სამი-ოთხი წლის განმავლობაში გაგრძელდება და ყველა დაზარალებული ბინით დაკმაყოფილდება.

თბილისის მერიის ინიციატივით მოქალაქეებს, რომლებიც თბილისში წლების განმავლობაში დაუკანონებენ ფართებში ცხოვრობდნენ, დედაქალაქის მთავრობა საცხოვრებლებს და საკარმიდამო მიწის ნაკვეთებს სიმბოლურ ფასად – ერთ ლარად დაუკანონებს. აღნიშნული ინიციატივის ფარგლებში 2018 წელს საცხოვრებელი ფართები სიმბოლურ ფასად 445 ოჯახს გადაეცა.

კალაძის თქმით, ყველა იმ ადამიანს, ვისაც ფართების დაკანონების სურვილი აქვს, თბილისის მერიისგან მაქსიმალური თანადგომა ექნება.

 

ყველა ახალი ამბავი
0