03:44 21 მაისი 2019
პირდაპირი ეთერი
  • EUR3.0643
  • 100 RUB4.2559
  • USD2.7470
ხიდის დემონტაჟი

შარტავას ქუჩა ამაღამ მთლიანად გადაიკეტება

© photo: Kakha Kaladze / FB
თბილისი
მოკლე ბმულის მიღება
თბილისი დღეს (1059)
12410

საფეხმავლო ხიდების დემონტაჟი ღამით განხორციელდება.

თბილისი, 19 აპრილი – Sputnik. პარასკევს, 19 აპრილის 23:00 საათიდან 20 აპრილის 07:00 საათამდე შარტავას ქუჩაზე საავტომობილო მოძრაობა მთლიანად აიკრძალება, იუწყება პირველი არხი შსს-ზე დაყრდნობით.

„შინაგან საქმეთა სამინისტროს საპატრულო პოლიციის დეპარტამენტი გაცნობებთ, რომ მიმდინარე წლის 19 აპრილს შარტავას ქუჩაზე თბილისის მერიასთან არსებული საფეხმავლო ხიდის დემონტაჟთან დაკავშირებით 23:00 საათიდან 07:00 საათამდე ავტომანქანების გადაადგილება სრულად აიკრძალება“, – აღნიშნულია განცხადებაში.

უწყებაში განმარტავენ, რომ ამ პერიოდში ავტომობილები სააკაძის მოედნიდან საბურთალოს ქუჩის გავლით პეკინის გამზირის მიმართულებით იმოძრავებენ.

თბილისში ლითონის კონსტრუქციის ქვეითად მოსიარულეთა ხიდების დემონტაჟი დაიწყო.

თბილისის მერიის ინფრასტრუქტურის განვითარების სამსახურმა ტრანსპორტის საქალაქო სამსახურთან ერთად შეათანხმა ადგილები, სადაც მოიხსნება ლითონის ხიდები და გაჩნდება „ზებრა" გადასასვლელები და შუქნიშნები.

ახალი ინიციატივის ფარგლებში ტრანსპორტის საქალაქო სამსახურმა გურამიშვილის გამზირზე ხუთ შუქნიშანს უკვე ჩაუტარა რეკონსტრუქცია, მონიშნა ქვეითთა სექციები. უახლოეს პერიოდში დაიხაზება „ზებრები" და ამოქმედდება შუქნიშნები.

სამუშაოები ეტაპობრივად ჩატარდება და წლის ბოლომდე დასრულდება. სამუშაოებისთვის ქალაქის ბიუჯეტიდან 307,8 ათასზე მეტი ლარია გამოყოფილი.

თბილისში სულ 34 ლითონის კონსტრუქციის ქვეითად მოსიარულეთა ხიდია. მათი რემონტისა და გამყარებისთვის 2018 წელს ინფრასტრუქტურის განვითარების საქალაქო სამსახურმა შესაბამისი სამუშაოები ჩაატარა. ეს სამუშაოები 237,7 ათას ლარზე მეტი დაჯდა.

თემები:
თბილისი დღეს (1059)

მთავარი თემები