დღეიდან რიყე-ნარიყალას საბაგირო გზა მგზავრებს დროებით ვერ მოემსახურება

© Sputnik / Alexander Imedashviliრიყე–ნარიყალას საბაგირო გზა
რიყე–ნარიყალას საბაგირო გზა - Sputnik საქართველო
გამოწერა
რიყე-ნარიყალას საბაგირო გზას ექსპლუატაციის ინსტრუქციისა და ევროპული ნორმების შესაბამისი სამუშაოები ჩაუტარდება

თბილისი, 16 აპრილი — Sputnik. დღეიდან, 16 აპრილიდან 30 აპრილამდე რიყე-ნარიყალას საბაგირო გზა მგზავრებს ვერ მოემსახურება, იტყობინება „თბილისის სატრანსპორტო კომპანია“.

„ამ პერიოდის განმავლობაში ჩატარდება რეგლამენტით გათვალისწინებული, ექსპლუატაციის ინსტრუქციისა და ევროპული ნორმების შესაბამისი სამუშაოები, რომელიც ყოველი 22 500 ნამუშევარი საათის შემდეგ ხორციელდება“, — ნათქვამია კომპანიის განცხადებაში.

საბაგირო გზის ვაგონი - Sputnik საქართველო
თბილისი შესაძლოა საბაგირო გზების ქალაქი გახდეს

სამუშაოებს თბილისის სატრანსპორტო კომპანიის შესაბამის ტექნიკურ ჯგუფთან ერთად კომპანია „ლეიტნერის" სპეციალისტები აწარმოებენ.

თბილისის სატრანსპორტო კომპანიის ცნობით, ამ პერიოდში კუს ტბის საბაგირო გზა ჩვეულ რეჟიმში იმუშავებს.

კომპანია ბოდიშს უხდის მგზავრებს დისკომფორტისა და შეფერხებისთვის.

რიყე-ნარიყალას საბაგირო გზა, რომელიც ევროპის პარკსა და ნარიყალას ციხეს აკავშირებს, თბილისის საზოგადოებრივ ტრანსპორტს 2012 წლის ივნისიდან შეემატა. საბაგირო გზის სიგრძე 500 მეტრია და შვიდ გონდოლას მოიცავს. თითოეული მათგანი შემინულია, ხოლო ერთი სრულიად გამჭვირვალე. საბაგირო მორგებულია შეზღუდული შესაძლებლობების მქონე პირებზე.

 

ყველა ახალი ამბავი
0