თბილისი, 11 ივლისი — Sputnik. ქალაქის მერია თბილისის საერთაშორისო აეროპორტიდან კახეთის მიმართულებით გზის კაპიტალურ რემონტს იწყებს, აღნიშნულია უწყების პრეს-სამსახურის განცხადებაში.
კერძოდ, კეთილმოწყობის საქალაქო სამსახური გაარემონტებს გზის მონაკვეთს აეროპორტის ხიდიდან ლოჭინის ხიდამდე.
„კახეთთან დამაკავშირებელი გზის ამ მონაკვეთის რეაბილიტაცია 12 ივლისს დაიწყება და მიმდინარე წლის ოქტომბერში დასრულდება… თბილისის მერია ბოდიშს გიხდით შექმნილი დისკომფორტისთვის", — ნათქვამია განცხადებაში.
გზის კაპიტალური რეაბილიტაციისთვის დედაქალაქის ბიუჯეტიდან 4,5 მლნ ლარი დაიხარჯება. სამშენებლო სამუშაოებს კონტრაქტორი კომპანია შპს „ენკო" შეასრულებს.