https://sputnik-georgia.com/20221212/iaponiasi-wlis-ieroglifi-aircies-272951637.html
„იკუსა“: იაპონიაში წლის იეროგლიფი აირჩიეს
„იკუსა“: იაპონიაში წლის იეროგლიფი აირჩიეს
Sputnik საქართველო
თბილისი, 12 დეკემბერი − Sputnik. იაპონიაში 2022 წლის გრაფიკულ სიმბოლოდ იეროგლიფი „იკუსა“ აირჩიეს, რაც თარგმანში „ბრძოლას“ ნიშნავს. 12.12.2022-ს, Sputnik საქართველო
2022-12-12T11:41+0400
2022-12-12T11:41+0400
2023-07-20T15:48+0400
მსოფლიო დღეს
იაპონია
საზოგადოება
მსოფლიოს ახალი ამბები
https://cdnn1.img.sputnik-georgia.com/img/07e6/0c/0c/272951054_0:180:1920:1260_1920x0_80_0_0_cbee314ae6632f7d20b58dd69f791d8b.jpg
თბილისი, 12 დეკემბერი − Sputnik. იაპონიაში 2022 წლის გრაფიკულ სიმბოლოდ იეროგლიფი „იკუსა“ აირჩიეს, რაც თარგმანში „ბრძოლას“ ნიშნავს.წლის სიმბოლო სახალხო კენჭისყრის საფუძველზე აირჩიეს, რომელსაც ქვეყნის იეროგლიფური დამწერლობის ასოციაცია ყოველწლიურად ატარებს 1995 წლიდან.იეროგლიფის წერის ცერემონია, რომელიც პირდაპირ ეთერში გადაიცემოდა, კიოტოს ბუდისტურ ტაძარ „კიიომიძუში“ ჩატარდა (ქართულად „წმიდა წყლის ტაძარი“).კონკურსის წესების თანახმად, ასოციაციას იეროგლიფებიანი ბარათები წინასწარ ეგზავნება მთელი ქვეყნიდან. რომელიც ყველაზე მეტ ხმას მოაგროვებს, წლის სიმბოლო ხდება. საჯაროდ გამოცხადებამდე გამარჯვებული იეროგლიფის მნიშვნელობა მკაცრადაა გასაიდუმლოებული. ინფორმაციის გაჟონვის თავიდან ასაცილებლად მის შესახებ ასოციაციის მხოლოდ რამდენიმე თანამშრომელმა იცის.ცერემონიაზე იეროგლიფი „ბრძოლა“ ტაძრის წინამძღვარმა ბრინჯის 130X150 სმ ზომის ქაღალდზე, ვასიზე გამოიყვანა 4,5 სმ დიამეტრის ფუნჯით. ეს ფუნჯი ჰიროსიმას პრეფექტურაში მზადდება მხოლოდ და მხოლოდ თეთრი ცხენის ძუისგან. რაც შეეხება მელანს, ის ნარას პრეფექტურიდან ჩააქვთ კიოტოში სპეციალურად ამ ცერემონიისთვის.კონკურსის ორგანიზატორებმა წლის იეროგლიფის არჩევანი იმით ახსნეს, რომ „ამ წელს ბევრი სხვადასხვა სახის ბრძოლა მოხდა − როგორც კარგი, ისე ცუდი აზრით“. მათ შორის: ბრძოლა კორონავირუსთან, ბრძოლები ბეისბოლის მოედნებზე, იაპონიის საფეხბურთო ნაკრების ბრძოლა მსოფლიო ჩემპიონატის მეოთხედფინალში გასასვლელად, ასევე უკრაინაში მიმდინარე მოვლენები.სულ ასოციაციაში 220 ათასი ბარათი შევიდა. იეროგლიფმა „ბრძოლამ“ 18 ათასზე მეტი ხმა მიიღო.მეორე ადგილზე აღმოჩნდა იეროგლიფი „ან“, რაც, კონტექსტის მიხედვით, ნიშნავს როგორც „იაფფასიანს“, ისე „უსაფრთხოს“. მესამე ადგილზე გავიდა იეროგლიფი, რომელიც ორგვარად იკითხება − „ჰაკუ“ ან „რაკუ“ და ნიშნავს „მსუბუქს, მხიარულს“.გასული წლის სიმბოლო–იეროგლიფი იყო „კინ“, რაც ქართულად „ოქროს“ ნიშნავს. ის ტოკიოს ოლიმპიადაზე იაპონიის ნაკრების მიერ მოპოვებული ოქროს მედლების რეკორდული რაოდენობის აღსანიშნავად აირჩიეს.
იაპონია
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
იაპონია , საზოგადოება, მსოფლიოს ახალი ამბები
იაპონია , საზოგადოება, მსოფლიოს ახალი ამბები
თბილისი, 12 დეკემბერი − Sputnik. იაპონიაში 2022 წლის გრაფიკულ სიმბოლოდ იეროგლიფი „იკუსა“ აირჩიეს, რაც თარგმანში „ბრძოლას“ ნიშნავს.
წლის სიმბოლო სახალხო კენჭისყრის საფუძველზე აირჩიეს, რომელსაც ქვეყნის იეროგლიფური დამწერლობის ასოციაცია ყოველწლიურად ატარებს 1995 წლიდან.
იეროგლიფის წერის ცერემონია, რომელიც პირდაპირ ეთერში გადაიცემოდა, კიოტოს ბუდისტურ ტაძარ „კიიომიძუში“ ჩატარდა (ქართულად „წმიდა წყლის ტაძარი“).
კონკურსის წესების თანახმად, ასოციაციას იეროგლიფებიანი ბარათები წინასწარ ეგზავნება მთელი ქვეყნიდან. რომელიც ყველაზე მეტ ხმას მოაგროვებს, წლის სიმბოლო ხდება. საჯაროდ გამოცხადებამდე გამარჯვებული იეროგლიფის მნიშვნელობა მკაცრადაა გასაიდუმლოებული. ინფორმაციის გაჟონვის თავიდან ასაცილებლად მის შესახებ ასოციაციის მხოლოდ რამდენიმე თანამშრომელმა იცის.
ცერემონიაზე იეროგლიფი „ბრძოლა“ ტაძრის წინამძღვარმა ბრინჯის 130X150 სმ ზომის ქაღალდზე, ვასიზე გამოიყვანა 4,5 სმ დიამეტრის ფუნჯით. ეს ფუნჯი ჰიროსიმას პრეფექტურაში მზადდება მხოლოდ და მხოლოდ თეთრი ცხენის ძუისგან. რაც შეეხება მელანს, ის ნარას პრეფექტურიდან ჩააქვთ კიოტოში სპეციალურად ამ ცერემონიისთვის.
კონკურსის ორგანიზატორებმა წლის იეროგლიფის არჩევანი იმით ახსნეს, რომ „ამ წელს ბევრი სხვადასხვა სახის ბრძოლა მოხდა − როგორც კარგი, ისე ცუდი აზრით“. მათ შორის: ბრძოლა კორონავირუსთან, ბრძოლები ბეისბოლის მოედნებზე, იაპონიის საფეხბურთო ნაკრების ბრძოლა მსოფლიო ჩემპიონატის მეოთხედფინალში გასასვლელად, ასევე უკრაინაში მიმდინარე მოვლენები.
სულ ასოციაციაში 220 ათასი ბარათი შევიდა. იეროგლიფმა „ბრძოლამ“ 18 ათასზე მეტი ხმა მიიღო.
მეორე ადგილზე აღმოჩნდა იეროგლიფი „ან“, რაც, კონტექსტის მიხედვით, ნიშნავს როგორც „იაფფასიანს“, ისე „უსაფრთხოს“. მესამე ადგილზე გავიდა იეროგლიფი, რომელიც ორგვარად იკითხება − „ჰაკუ“ ან „რაკუ“ და ნიშნავს „მსუბუქს, მხიარულს“.
გასული წლის სიმბოლო–იეროგლიფი იყო „კინ“, რაც ქართულად „ოქროს“ ნიშნავს. ის ტოკიოს ოლიმპიადაზე იაპონიის ნაკრების მიერ მოპოვებული ოქროს მედლების რეკორდული რაოდენობის აღსანიშნავად აირჩიეს.
