https://sputnik-georgia.com/20221031/iaponeli-qalebis-daxvewili-arnagobis-6-saidumlo-271794724.html
იაპონელი ქალების დახვეწილი აღნაგობის 6 საიდუმლო
იაპონელი ქალების დახვეწილი აღნაგობის 6 საიდუმლო
Sputnik საქართველო
იაპონელები პლანეტის ერთ-ერთ ყველაზე ლამაზ და დახვეწილ ქალბატონებად მიიჩნევიან. ამაში მათ ისიც უწყობთ ხელს, რომ ასაკი, პრაქტიკულად, არ ეტყობათ. 31.10.2022-ს, Sputnik საქართველო
2022-10-31T16:13+0400
2022-10-31T16:13+0400
2023-08-17T10:49+0400
სასარგებლო რჩევები
ჯანსაღი კვება
ექიმის რჩევები
https://cdnn1.img.sputnik-georgia.com/img/23976/61/239766107_0:205:1920:1285_1920x0_80_0_0_40ced1aaec75e521ebf930e5740ee63e.jpg
30 წლის იაპონელი ქალი შესაძლოა 20 წლისაც კი გეგონოთ. გარდა ამისა, ისინი ცნობილი არიან დღეგრძელობის კუთხითაც.დადგენილია, რომ იაპონელი ქალბატონების სილამაზისა და დღეგრძელობის ერთ-ერთი მთავარი საიდუმლო მათ რაციონსა და საკვების მიღების განსაკუთრებულ წესებშია, რომელთაგან აქ რამდენიმეს გაგაცნობთ.მდიდარი და დაბალანსებული რაციონიიაპონელების რაციონი საკმაოდ მრავალფეროვანია, თუმცა ძირითადი ადგილი უჭირავს: თევზეულს, წყალმცენარეებს, ბოსტნეულს, სოიოს, ბრინჯს, ხილსა და მწვანე ჩაის. ისინი პრაქტიკულად საერთოდ უარს ამბობენ მაღალკალორიულ და მავნე საკვებზე.იაპონელებისთვის მთავარია, რომ პროდუქტი იყოს ახალი და შეესაბამებოდეს სეზონს, ანუ, პოპულარულ ენაზე რომ ვთქვათ, ზამთარში მარწყვს არ ეტანებიან. ის კი არა, თევზეულსაც კი სეზონის მიხედვით არჩევენ. მიირთმევენ იმ თევზს, რომლის დაჭერის სეზონიც დგას.კერძის მომზადების მეთოდებიიაპონელები მოშუშულ, გრილზე შემწვარ, ორთქლზე დამუშავებულ და სპეციალურ ტაფაზე ძალიან ცოტა ცხიმით შემწვარ კერძებს ამჯობინებენ. ბოსტნეულს ისეთ ზომაზე და იმგვარად ჭრიან, რომ ლამაზიც იყოს და მალეც მომზადდეს. ამ გზით პროდუქტში სასარგებლო ნივთიერებებია შენარჩუნებული.იაპონელები კერძებს ხშირად ამზადებენ ბოსტნეულის ნახარშზე, სანელებლებს კი ძალიან მოზომილად, ფრთხილად იყენებენ.ჭამის კულტურაიაპონიაში ჭამა ერთგვარი რიტუალია — მიირთმევენ მინიატურული ჭურჭლიდან, პატარა ლუკმებით, მომცრო ულუფებს. ცდილობენ საკვებს ბუნებრივი გემო და გარეგნობა შეუნარჩუნონ. იაპონიაში მიღებული არ არის სხვადასხვა კერძის ერთ თეფშზე დალაგება — ყველა მათგანისთვის სხვადასხვა ჭურჭელია გამოყოფილი. რაც მთავარია, ამ ჭურჭელს არასდროს ავსებენ პირთამდე.ბრინჯი პურის ნაცვლადიაპონელები პურის ნაცვლად ბრინჯს მიირთმევენ, ოღონდ განსაკუთრებული წესით მომზადებულს. ბრინჯს არც მარილს უკეთებენ და არც ცხიმს. სწორედ ესაა ერთ-ერთი უმთავრესი საიდუმლო თხელი და „ჰაეროვანი“ აღნაგობისა.საუზმე — ძირითადი კვებასაუზმე იაპონიაში ყველაზე უხვია და რამდენიმე თავი კერძისგან შედგება, რადგან სწორედ დილის კვება მიიჩნევა უმთავრესად. საუზმეზე იაპონელები მიირთმევენ: თევზს, ბრინჯს, ომლეტს, მისო-სუპს, სოიოს კერძს მწვანილით, წყალმცენარეებსა და ჩაის.არცთუ ტკბილი დესერტიდესერტს იაპონელები იშვიათად და უმცირესი ულუფით მიირთმევენ. მათი წარმოდგენა ტკბილეულზე ჩვენი შეხედულებისგან რადიკალურად განსხვავდება: არანაირი ბისკვიტი, კარაქიანი კრემი, ნაღები თუ ტორტი! ის კი არა, ნაყინსაც კი ბრინჯისგან ამზადებენ, რომელსაც „მოტი“ ჰქვია.იაპონური დესერტი დაბალკალორიულია, ნაკლებად ტკბილი და არც მაინცდამაინც გემრიელი ევროპელისთვის. სამაგიეროდ, ერთ ზედმეტ ნაკეცსაც კი არ აჩენს სხეულზე.
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/23976/61/239766107_0:0:1717:1288_1920x0_80_0_0_ad50c1018cb9789df4a74b4f8ea194e0.jpgSputnik საქართველო
media@sputniknews.com
+74956456601
MIA „Rosiya Segodnya“
სასარგებლო რჩევები , ჯანსაღი კვება, ექიმის რჩევები
სასარგებლო რჩევები , ჯანსაღი კვება, ექიმის რჩევები
იაპონელი ქალების დახვეწილი აღნაგობის 6 საიდუმლო
16:13 31.10.2022 (განახლებულია: 10:49 17.08.2023) იაპონელები პლანეტის ერთ-ერთ ყველაზე ლამაზ და დახვეწილ ქალბატონებად მიიჩნევიან. ამაში მათ ისიც უწყობთ ხელს, რომ ასაკი, პრაქტიკულად, არ ეტყობათ.
30 წლის იაპონელი ქალი შესაძლოა 20 წლისაც კი გეგონოთ. გარდა ამისა, ისინი ცნობილი არიან დღეგრძელობის კუთხითაც.
დადგენილია, რომ იაპონელი ქალბატონების სილამაზისა და დღეგრძელობის ერთ-ერთი მთავარი საიდუმლო მათ რაციონსა და საკვების მიღების განსაკუთრებულ წესებშია, რომელთაგან აქ რამდენიმეს გაგაცნობთ.
მდიდარი და დაბალანსებული რაციონი
იაპონელების რაციონი საკმაოდ მრავალფეროვანია, თუმცა ძირითადი ადგილი უჭირავს: თევზეულს, წყალმცენარეებს, ბოსტნეულს, სოიოს, ბრინჯს, ხილსა და მწვანე ჩაის. ისინი პრაქტიკულად საერთოდ უარს ამბობენ მაღალკალორიულ და მავნე საკვებზე.
იაპონელებისთვის მთავარია, რომ პროდუქტი იყოს ახალი და შეესაბამებოდეს სეზონს, ანუ, პოპულარულ ენაზე რომ ვთქვათ, ზამთარში მარწყვს არ ეტანებიან. ის კი არა, თევზეულსაც კი სეზონის მიხედვით არჩევენ. მიირთმევენ იმ თევზს, რომლის დაჭერის სეზონიც დგას.
კერძის მომზადების მეთოდები
იაპონელები მოშუშულ, გრილზე შემწვარ, ორთქლზე დამუშავებულ და სპეციალურ ტაფაზე ძალიან ცოტა ცხიმით შემწვარ კერძებს ამჯობინებენ. ბოსტნეულს ისეთ ზომაზე და იმგვარად ჭრიან, რომ ლამაზიც იყოს და მალეც მომზადდეს. ამ გზით პროდუქტში სასარგებლო ნივთიერებებია შენარჩუნებული.
იაპონელები კერძებს ხშირად ამზადებენ ბოსტნეულის ნახარშზე, სანელებლებს კი ძალიან მოზომილად, ფრთხილად იყენებენ.
იაპონიაში ჭამა ერთგვარი რიტუალია — მიირთმევენ მინიატურული ჭურჭლიდან, პატარა ლუკმებით, მომცრო ულუფებს. ცდილობენ საკვებს ბუნებრივი გემო და გარეგნობა შეუნარჩუნონ. იაპონიაში მიღებული არ არის სხვადასხვა კერძის ერთ თეფშზე დალაგება — ყველა მათგანისთვის სხვადასხვა ჭურჭელია გამოყოფილი. რაც მთავარია, ამ ჭურჭელს არასდროს ავსებენ პირთამდე.
იაპონელები პურის ნაცვლად ბრინჯს მიირთმევენ, ოღონდ განსაკუთრებული წესით მომზადებულს. ბრინჯს არც მარილს უკეთებენ და არც ცხიმს. სწორედ ესაა ერთ-ერთი უმთავრესი საიდუმლო თხელი და „ჰაეროვანი“ აღნაგობისა.
საუზმე იაპონიაში ყველაზე უხვია და რამდენიმე თავი კერძისგან შედგება, რადგან სწორედ დილის კვება მიიჩნევა უმთავრესად. საუზმეზე იაპონელები მიირთმევენ: თევზს, ბრინჯს, ომლეტს, მისო-სუპს, სოიოს კერძს მწვანილით, წყალმცენარეებსა და ჩაის.
დესერტს იაპონელები იშვიათად და უმცირესი ულუფით მიირთმევენ. მათი წარმოდგენა ტკბილეულზე ჩვენი შეხედულებისგან რადიკალურად განსხვავდება: არანაირი ბისკვიტი, კარაქიანი კრემი, ნაღები თუ ტორტი! ის კი არა, ნაყინსაც კი ბრინჯისგან ამზადებენ, რომელსაც „მოტი“ ჰქვია.
იაპონური დესერტი დაბალკალორიულია, ნაკლებად ტკბილი და არც მაინცდამაინც გემრიელი ევროპელისთვის. სამაგიეროდ, ერთ ზედმეტ ნაკეცსაც კი არ აჩენს სხეულზე.