„ჩრდილოეთის ნაკადებზე“ 2,3 ბალის აფეთქება მოხდა: პირველი ფოტო-ვიდეო შემთხვევის ადგილიდან
12:31 18.10.2022 (განახლებულია: 12:48 17.08.2023)
© photo: Sputnik / Sergey Guneev
/ გამოწერა
თბილისი, 18 ოქტომბერი — Sputnik. შვედურმა გაზეთმა Expressen, რომელმაც ხელისუფლებისგან გადაღებების ექსკლუზიური უფლება მიიღო, აფეთქების შედეგად დაზიანებული რუსული „ჩრდილოეთის ნაკადი-1“-ის პირველი ფოტოები და ვიდეო გამოაქვეყნა.
„სწორედ აქ მოხდა აფეთქებები, რამაც რუსეთსა და დასავლეთს შორის გეოპოლიტიკური კონფლიქტი გაამწვავა“, — წერს გამოცემა.
The Swedish press publishes the first footage of underwater footage of damage at Nord Stream.#RussiaUkraineWar pic.twitter.com/8EfSSJJ3ez
— Ey Villan (@NeutralNews111) October 18, 2022
როგორც Expressen-ი აღნიშნავს, ფოტო- და ვიდეოგადაღებები ბალტიის ზღვის ზედაპირიდან 80 მეტრის სიღრმეზე მიმდინარეობდა და ამ დროს ბევრი საინტერესო დეტალი დაფიქსირდა.
First 📹undersea-video, site of explosion. Oct 17 #BalticSea #Pipeline #OOTT #Maritime #Nordstream #oil #gas pic.twitter.com/tiW10CSVL3
— I know (@luvyall22) October 18, 2022
„ჩვენმა წყალქვეშა კამერამ ზღვის ფსკერზე არმირებული ფოლადის მილისკენ მიმავალი გრძელი ნაპრალები დააფიქსირა, რომელიც სავარაუდო დივერსიის შედეგად გაიხლიჩა. აფეთქების შემდეგ, რომლის სიმძლავრეც 2,3 ბალს აღწევდა რიხტერის შკალით, გაზსადენის დაახლოებით 50 მეტრი განადგურდა“, — წერს გამოცემა.
26 სექტემბერს რუსული გაზსადენების „ჩრდილოეთის ნაკადი-1“-ისა და „ჩრდილოეთის ნაკადი-2“-ის ოპერატორმა კომპანიამ Nord Stream 2 AG გაავრცელა ინფორმაცია, რომ დანიის წყლებში გაზსადენებზე საგანგებო შემთხვევა მოხდა − გაირღვა გაზსადენების სამი ტოტი, რის შედეგადაც მილსადენებიდან დიდი რაოდენობით გაზმა გაჟონა. დანიისა და შვედეთის ხელისუფლებების განცხადებით, გაზსადენებზე დივერსია მოხდა. აშშ-ის, გერმანიისა და პოლონეთის ოფიციალურმა პირებმა კი არ გამორიცხეს, რომ საბოტაჟი თავად რუსეთის მოწყობილი იყოს. მოსკოვმა გაზსადენებზე მომხდარი „საერთაშორისო ტერორიზმად“ შეაფასა და გენერალურ პროკურატურას სწორედ ამ მუხლით დაავალა საქმის გამოძიება.
