საქართველოს წყალბურთის ნაკრებმა მსოფლიო ჩემპიონატის მატჩი მინიმალური ანგარიშით დათმო

© courtesy of Aquatic Sports Federationწყალბურთი
წყალბურთი - Sputnik საქართველო, 1920, 24.06.2022
გამოწერა
Yandex newsTelegram
შემდეგ შეხვედრას საქართველოს ნაკრები ჩემპიონატის მასპინძელთან – უნგრეთის ნაკრებთან 25 ივნისს გამართავს.
თბილისი, 24 ივნისი – Sputnik. საქართველოს ნაკრები წყალბურთში მსოფლიო ჩემპიონატის მეორე მატჩში მონტენეგროსთან 9:10 დამარცხდა.
ეს იყო გუნდების შეხვედრა, რომლებიც უკვე მოხვდნენ პლეი-ოფში, თუმცა მათ უნდა გამოერკვიათ, ვინ დაიკავებდა მეორე ადგილს.
საქართველომ შეხვედრის პირველი მეოთხედი დიდი ანგარიშით წააგო – 1:4, თუმცა მეორე მეოთხედში რევანში აიღო – სამი უპასუხო ბურთი გაიტანა და ანგარიში გაათანაბრა. შესვენებაზე გუნდები 4:4 ანგარიშით გავიდნენ.
მესამე მეოთხედის დასაწყისში ქართველი წყალბურთელების დაცვამ ვერაფერი გააწყო მეტოქესთან, რომელიც კვლავ დაწინაურდა – 7:4, თუმცა მეოთხედის მიწურულს ქართველებმა განსხვავების მინიმუმამდე დაყვანა შეძლეს – 7:8. მეოთხე მეოთხედში ბრძოლა თანაბრად წარიმართა. თუმცა საბოლოოდ გამარჯვება მონტენეგროს დარჩა – 10:9.
ამ ჯგუფის პარალელურ მატჩში უნგრეთმა ბრაზილიას სძლია. შემდეგ შეხვედრას საქართველო უნგრეთთან – ჩემპიონატის მასპინძელთან 25 ივნისს გამართავს.
ჯგუფში პირველ ადგილზე გასული გუნდი მეოთხედფინალში პირდაპირ გადავა, მეორე და მესამე ადგილებზე გასული გუნდები კი B ჯგუფის გუნდებს დაუპირისპირდებიან.
ყველა ახალი ამბავი
0