Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

საქართველოში კოვიდ-სტატისტიკა კვირაში ერთხელ განახლდება

© AFP 2024 / RONI REKOMAAლაბორატორია
ლაბორატორია - Sputnik საქართველო, 1920, 02.05.2022
გამოწერა
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
თბილისი, 2 მაისი — Sputnik. საქართველოში კორონავირუსთან დაკავშირებული ოფიციალური სტატისტიკური მონაცემები ამიერიდან არა ყოველდღიურად, არამედ კვირაში ერთხელ განახლდება, ნათქვამია ჯანდაცვის სამინისტროს მიერ გავრცელებულ ინფორმაციაში.
ინფიცირების ახალი შემთხვევების, ინციდენტობის, დადებითობის მაჩვენებლებისა და ლეტალობის შემთხვევების შესახებ მონაცემები სამშაბათობით გამოქვეყნდება.
ეპიდემიოლოგიური ვითარების გაუმჯობესებიდან გამომდინარე, ქვეყანაში პრაქტიკულად ყველა კოვიდ-შეზღუდვა გაუქმდა. 28 მარტიდან გაუქმდა როგორც საზოგადოებრივი კვების ობიექტებში, ისე სპორტულ, სახელოვნებო თუ სხვა სახის სოციალურ ღონისძიებებზე დამსწრეთა რაოდენობრივი შეზღუდვა, ასევე ღია სივრცეში პირბადის ტარების ვალდებულება.
დღეიდან კი პირბადის გამოყენება სავალდებულო გახდა მხოლოდ აფთიაქებში, სამედიცინო დაწესებულებებსა და საზოგადოებრივ ტრანსპორტში.
იანვარში და თებერვლის დასაწყისში საქართველომ კორონავირუსის მეექვსე ტალღა გადაიარა, რომელიც „ომიკრონ“ შტამს უკავშირდებოდა. აღნიშნულ პერიოდში ინფიცირების დღიური მაჩვენებელი 20-24 ათასს აჭარბებდა. 31 იანვარს გამოვლინდა 26 ათასზე მეტი შემთხვევა. თებერვლის შუა რიცხვებიდან კი ეპიდვითარების მკვეთრი გაუმჯობესება დაიწყო. ბოლო დღეებში ინფიცირების დღიური მაჩვენებელი 70-150 არ აჭარბებს.
ეპიდემიოლოგების ვარაუდით, შემოდგომაზე კორონავირუსი კიდევ უფრო დასუსტდება და იგი სეზონურ გრიპად გადაიქცევა.
ბოლო მონაცემებით, საქართველოში პანდემიის დაწყებიდან დღემდე ინფიცირების 1.655.221 შემთხვევა დაფიქსირდა, საიდანაც გამოჯანმრთელდა 1.637.293, ხოლო გარდაიცვალა 16.811.
კოროვირუსული ინფექციით გამოწვეული პნევმონია ჩინეთში 2019 წლის დეკემბერში გაჩნდა. ჯანმრთელობის მსოფლიო ორგანიზაციამ კორონავირუსის პანდემიის დაწყება 2020 წლის 11 მარტს გამოაცხადა. მანამდე, 30 იანვარს ჯანმომ კორონავირუსი გლობალურ საფრთხედ აღიარა.
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
ყველა ახალი ამბავი
0