Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

თუ საბერძნეთში მოგზაურობას გადაწყვეტთ: ქვეყანამ რეგულაციები შეამსუბუქა

© photo: Sputnik / Yuri Somov / გადასვლა მედიაბანკშიათენი
ათენი - Sputnik საქართველო, 1920, 07.02.2022
გამოწერა
საქართველოს მოქალაქეებს საბერძნეთში გამგზავრება PCR–ტესტის უარყოფითი პასუხის საფუძველზე შეუძლიათ.
თბილისი, 7 თებერვალი – Sputnik. საბერძნეთმა ქვეყანაში შესვლის რეგულაციები საქართველოსთვის და ევროკავშირის არაწევრი კიდევ 32 ქვეყნისთვის შეამსუბუქა. ინფორმაციას საბერძნეთში საქართველოს საელჩო ავრცელებს.
საქართველოს საგარეო საქმეთა სამინისტროს საკონსულო დეპარტამენტის მიერ გავრცელებული ინფორმაციით, განახლებული რეგულაციები ძალაში 7 თებერვლიდან შედის.
საკონსულოს ცნობით, საქართველოს მოქალაქეს საბერძნეთის ტერიტორიაზე შესვლის უფლება იმ შემთხვევაში ექნება, თუ იგი სამი პირობიდან ერთ-ერთს აკმაყოფილებს:
ვაქცინირებულია გამგზავრებამდე არანაკლებ 14 დღით ადრე, ან ფლობს ვაქცინაციის მოწმობას, რომელიც ძალაშია ვაქცინაციის ბოლო დოზიდან მომდევნო 9 თვის განმავლობაში.
ან წარადგენს კორონავირუსისგან გამოჯანმრთელების დამადასტურებელ საბუთს, გაცემულს დიაგნოსტიკიდან მე-14 დღეს – 180-დღიანი მოქმედების ვადით.
ან წარადგენს უარყოფით მოლეკულურ ტესტს (PCR), რომელიც მგზავრობამდე მაქსიმუმ 72 საათით ადრეა გაკეთებული, ან 24 საათით ადრე გაკეთებულ ანტიგენის სწრაფი ტესტის უარყოფით პასუხს.
გარდა ამისა, ყველა პირი ვალდებულია გამგზავრებამდე 24 საათით ადრე ელექტრონული აპლიკაცია შეავსოს ვებ-გვერდზე: https://travel.gov.gr/#/. ოჯახის წევრებს შეუძლიათ შეავსონ ერთობლივი ფორმა.
წყარო: საბერძნეთში საქართველოს საელჩო
ყველა ახალი ამბავი
0