https://sputnik-georgia.com/20220104/saqartvelosi-inficirebis-semtxvevebis-zrdas-elodebian-263366550.html
უახლოესი დღეების მძიმე პროგნოზი: საქართველოში ინფიცირება მოიმატებს
უახლოესი დღეების მძიმე პროგნოზი: საქართველოში ინფიცირება მოიმატებს
Sputnik საქართველო
სპეციალისტების პროგნოზით, ინფიცირების მაჩვენებლის ზრდა „ომიკრონთან“ იქნება დაკავშირებული
2022-01-04T13:09+0400
2022-01-04T13:09+0400
2023-08-17T18:04+0400
covid-19 - ბოლო ცნობები
საზოგადოება
ახალი ამბები
covid-19
https://cdnn1.img.sputnik-georgia.com/img/07e5/02/11/250910711_0:202:2920:1845_1920x0_80_0_0_78864beaeb69cf05f3d40949efc355f5.jpg
თბილისი, 4 იანვარი – Sputnik. იანვრის პირველი ორი კვირის განმავლობაში ქვეყანაში კორონავირუსით ინფიცირების შემთხვევების მატებაა მოსალოდნელი, განაცხადა იმუნიზაციის ტექნიკურ მრჩეველთა ეროვნული ჯგუფის ხელმძღვანელმა ივანე ჩხაიძემ.მისი თქმით, თუ მომდევნო დღეებში ინფიცირების შემთხვევები მოიმატებს, მოსალოდნელია, რომ ეს კორონავირუსის შტამ „ომიკრონთან“ იქნება დაკავშირებული.რაც შეეხება ვაქცინაციის დონეს საქართველოში, რესპუბლიკური საავადმყოფოს დირექტორის მოადგილემ ჯავარა უგრეხელიძემ განაცხადა, რომ ქვეყანაში აცრების რაოდენობამ ბოლო ორი კვირის განმავლობაში მოიმატა. მისი თქმით, ამ დროის განმავლობაში რესპუბლიკური საავადმყოფოს ბრიგადები ვაქცინაციის ოთხ ცენტრსა და მოძრავ ავტობუსებზე მუშაობენ.ბოლო მონაცემებით, საქართველოში კორონავირუსის ახალი შტამი „ომიკრონით“ ინფიცირების დადასტურებული შემთხვევების რაოდენობა 148-მდე გაიზარდა.ქართველი ეპიდემიოლოგების განცხადებით, „ომიკრონთან“ ბრძოლის ყველაზე ეფექტურ მეთოდად კვლავ ვაქცინაცია რჩება, განსაკუთრებით – ბუსტერ-დოზა. საქართველოში ვაქცინაციის სრული კურსი (ორჯერადი აცრა) ზრდასრული მოსახლეობის 40,1%-მა გაიარა. ბუსტერ-დოზა 74.813 ადამიანს აქვს გაკეთებული.ჯანმრთელობის მსოფლიო ორგანიზაციამ ბოტსვანასა და სამხრეთ აფრიკის რესპუბლიკაში ნოემბრის ბოლოს გამოვლენილ ახალ შტამ B.1.1.529-ს, რომელიც „შეშფოთების გამომწვევად" შეფასდა, ბერძნული ანბანის მე-15 ასოს მიხედვით „ომიკრონი" უწოდა.საქართველო კორონავირუსის პანდემიის მეხუთე ტალღას ებრძვის. ეპიდვითარება ბოლო პერიოდში შედარებით დასტაბილურდა. ინფიცირების შემთხვევების დღიური მაჩვენებელი 2–3 ათასის ფარგლებში მერყეობს. თუმცა კვლავ მაღალი რჩება ლეტალობის მაჩვენებელი – საშუალოდ 40–60 ადამიანი დღეში.
https://sputnik-georgia.com/20220104/koronavirusi-saqartvelos-regionebsi-263365510.html
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
კორონავირუსი საქართველო covid-19 პროგნოზი
კორონავირუსი საქართველო covid-19 პროგნოზი
უახლოესი დღეების მძიმე პროგნოზი: საქართველოში ინფიცირება მოიმატებს
13:09 04.01.2022 (განახლებულია: 18:04 17.08.2023) ეპიდემიოლოგები ქვეყანაში მომდევნო ორი კვირის განმავლობაში ინფიცირების მოსალოდნელ ზრდას „ომიკრონს“ უკავშირებენ.
თბილისი, 4 იანვარი – Sputnik. იანვრის პირველი ორი კვირის განმავლობაში ქვეყანაში კორონავირუსით ინფიცირების შემთხვევების მატებაა მოსალოდნელი, განაცხადა იმუნიზაციის ტექნიკურ მრჩეველთა ეროვნული ჯგუფის ხელმძღვანელმა ივანე ჩხაიძემ.
მისი თქმით, თუ მომდევნო დღეებში ინფიცირების შემთხვევები მოიმატებს, მოსალოდნელია, რომ ეს კორონავირუსის შტამ „ომიკრონთან“ იქნება დაკავშირებული.
„დღევანდელი რეალობიდან გამომდინარე, როდესაც ინფიცირების მაჩვენებელი ბოლო ორი კვირაა თანდათან მცირდება, მომდევნო დღეებში თუ გვექნება შემთხვევების მატება, მაშინ უნდა ვთქვათ, რომ ამის უკან დგას სწორედ „ომიკრონი“, შესაძლოა, „ომიკრონი“ განაპირობებდეს მომდევნო ორი კვირის განმავლობაში ინფიცირების მკვეთრ მატებას“, – განაცხადა ჩხაიძემ.
რაც შეეხება ვაქცინაციის დონეს საქართველოში, რესპუბლიკური საავადმყოფოს დირექტორის მოადგილემ ჯავარა უგრეხელიძემ განაცხადა, რომ ქვეყანაში აცრების რაოდენობამ ბოლო ორი კვირის განმავლობაში მოიმატა.
მისი თქმით, ამ დროის განმავლობაში რესპუბლიკური საავადმყოფოს ბრიგადები ვაქცინაციის ოთხ ცენტრსა და მოძრავ ავტობუსებზე მუშაობენ.
„ბოლო რამდენიმე კვირის განმავლობაში დღიურად აცრების რაოდენობა 2.000-მდე იყო. ეს მაჩვენებელი, აგვისტოსთან და სექტემბერთან შედარებით, როცა დღიურად 6.000-მდე აცრა ტარდებოდა, შემცირებულია, მაგრამ ტენდენცია მომატებისკენ არის, რაც ძალიან კარგია“, – განაცხადა უგრეხელიძემ.
ბოლო მონაცემებით, საქართველოში კორონავირუსის ახალი შტამი „ომიკრონით“ ინფიცირების დადასტურებული შემთხვევების რაოდენობა 148-მდე გაიზარდა.
ქართველი ეპიდემიოლოგების განცხადებით, „ომიკრონთან“ ბრძოლის ყველაზე ეფექტურ მეთოდად კვლავ ვაქცინაცია რჩება, განსაკუთრებით – ბუსტერ-დოზა. საქართველოში ვაქცინაციის სრული კურსი (ორჯერადი აცრა) ზრდასრული მოსახლეობის 40,1%-მა გაიარა. ბუსტერ-დოზა 74.813 ადამიანს აქვს გაკეთებული.
ჯანმრთელობის მსოფლიო ორგანიზაციამ ბოტსვანასა და სამხრეთ აფრიკის რესპუბლიკაში ნოემბრის ბოლოს გამოვლენილ ახალ შტამ B.1.1.529-ს, რომელიც „შეშფოთების გამომწვევად" შეფასდა, ბერძნული ანბანის მე-15 ასოს მიხედვით „ომიკრონი" უწოდა.
საქართველო კორონავირუსის პანდემიის მეხუთე ტალღას ებრძვის. ეპიდვითარება ბოლო პერიოდში შედარებით დასტაბილურდა. ინფიცირების შემთხვევების დღიური მაჩვენებელი 2–3 ათასის ფარგლებში მერყეობს. თუმცა კვლავ მაღალი რჩება ლეტალობის მაჩვენებელი – საშუალოდ 40–60 ადამიანი დღეში.
