როგორ იმოძრავებს ტრანსპორტი რუსთაველზე დაგეგმილი აქციის გამო
16:21 14.10.2021 (განახლებულია: 20:01 14.10.2021)
© photo: Sputnik / Vladimir Umikashvili
გამოწერა
„ნაციონალური მოძრაობა“ მიხეილ სააკაშვილის გათავისუფლების მოთხოვნით 14 ოქტომბერს თბილისში აქციას გამართავს.
თბილისი, 14 ოქტომბერი – Sputnik. 14 ოქტომბერს რუსთაველის გამზირზე დაგეგმილი აქციის გამო, რესპუბლიკის მოედნიდან თავისუფლების მოედნამდე სატრანსპორტო გადაადგილება დროებით შეიზღუდება, იუწყება დედაქალაქის მერია.
კერძო სატრანსპორტო საშუალებებისთვის გადაადგილება შესაძლებელი იქნება ლეონიძის, ინგოროყვას, ჭავჭავაძის, გრიბოედოვის, ბარათაშვილისა და თაბუკაშვილის ქუჩების გავლით.
კერძო სატრანსპორტო საშუალებებისთვის გადაადგილება შესაძლებელი იქნება ლეონიძის, ინგოროყვას, ჭავჭავაძის, გრიბოედოვის, ბარათაშვილისა და თაბუკაშვილის ქუჩების გავლით.
მელიქიშვილის ქუჩიდან მთაწმინდის ქუჩებზე მოხვედრა შესაძლებელია ჯანაშიას, თარხნიშვილის, ტატიშვილის, ჭოველიძის, ზანდუკელის ქუჩების გავლით და შემდგომ ბარნოვის, გოგებაშვილისა და კაკაბაძეების ქუჩების გამოყენებით.
მთაწმინდის რაიონიდან მელიქიშვილის ქუჩასა და მეტროს სადგურ „რუსთაველის“ ტერიტორიაზე მოხვედრა შესაძლებელი იქნება გრიბოედოვის, მაყაშვილის, ბარნოვისა და შანიძის ქუჩების გავლით.
მეტროს სადგურ „რუსთაველის“ მიმდებარე ტერიტორიიდან თავისუფლების მოედნისკენ მიმავალი კერძო ავტომობილები რესპუბლიკის მოედანთან მობრუნების შემდეგ შეძლებენ გადაადგილებას მიხეილ ჯავახიშვილის ქუჩისა და მარჯვენა სანაპიროს გამოყენებით.
მთაწმინდის რაიონიდან მელიქიშვილის ქუჩასა და მეტროს სადგურ „რუსთაველის“ ტერიტორიაზე მოხვედრა შესაძლებელი იქნება გრიბოედოვის, მაყაშვილის, ბარნოვისა და შანიძის ქუჩების გავლით.
მეტროს სადგურ „რუსთაველის“ მიმდებარე ტერიტორიიდან თავისუფლების მოედნისკენ მიმავალი კერძო ავტომობილები რესპუბლიკის მოედანთან მობრუნების შემდეგ შეძლებენ გადაადგილებას მიხეილ ჯავახიშვილის ქუჩისა და მარჯვენა სანაპიროს გამოყენებით.
დაგეგმილი აქციის გამო დროებით შეიცვლება ასევე საზოგადოებრივი ტრანსპორტის მარშრუტებიც.
უფრო დაწვრილებით ავტობუსებისა და მიკროავტობუსების გადაადგილების ახალი სქემების შესახებ ინფორმაცია მერიის ვებ-გვერდზეა მოცემული.
ოპოზიციური პარტია „ერთიანი ნაციონალური მოძრაობა“ 18:00 საათზე თავისუფლების მოედანზე ექს-პრეზიდენტ სააკაშვილის გათავისუფლების მოთხოვნით საპროტესტო აქციას გამართავს.
