ტიმოშენკო: მიშა, შენს ქვეყანას ცოცხალი და ჯანმრთელი სჭირდები

© Sputnik / STRINGER / გადასვლა მედიაბანკშიიულია ტიმოშენკო
იულია ტიმოშენკო - Sputnik საქართველო, 1920, 14.10.2021
გამოწერა
სააკაშვილი უკრაინის მოქალაქეა და უკრაინის რეფორმების ეროვნული საბჭოს აღმასრულებელ კომიტეტს ხელმძღვანელობს.
თბილისი, 14 ოქტომბერი — Sputnik. მიხეილს აქვს უდავო და უპირობო უფლება – იყოს თავისუფალი თავის სამშობლოში და არა ციხეში, ნათქვამია უკრაინის ყოფილი პრემიერ-მინისტრის იულია ტიმოშენკოს ვიდეომიმართვაში, რომელიც თავისუფლების მოედანზე მიმდინარე საპროტესტო აქციაზე გავრცელდა.
ამ წუთებში ოპოზიციური პარტია „ერთიანი ნაციონალური მოძრაობის“ ორგანიზებით პატიმრობაში მყოფი მესამე პრეზიდენტის მიხეილ სააკაშვილის გათავისუფლების მოთხოვნით თავისუფლების მოედანზე მრავალათასიანი საპროტესტო აქცია იმართება.

„ძვირფასო მიშა, კარგად ვიცი, პატიმრობაში ყოფნისას შიმშილობა თითქმის ერთადერთი ფორმაა პროტესტის გამოსახატად. ასევე მშვენივრად ვხვდები შენს მოტივებს, თუ რატომ იყავი იძულებული ასე მოქცეულიყავი, მაგრამ მინდა უმორჩილესად გთხოვო, შეწყვიტო შიმშილობა. შენს ქვეყანას ცოცხალი, ჯანმრთელი და ძლიერი სჭირდები. ასევე მივმართავ მის მხარდამჭერებს, მიმართონ თხოვნით მათ ლიდერს, შეწყვიტოს შიმშილობა – ეს მნიშვნელოვანია მისი სიცოცხლისა და თქვენი საერთო ბრძოლისთვის“, – თქვა იულია ტიმოშენკომ ვიდეომიმართვაში.

სააკაშვილი, რომელიც უკრაინის მოქალაქეა და უკრაინის რეფორმების ეროვნული საბჭოს აღმასრულებელ კომიტეტს ხელმძღვანელობს, თბილისში 1 ოქტომბერს დააკავეს. რამდენიმე დღის წინ უკრაინის პრეზიდენტმა ვლადიმირ ზელენსკიმ განაცხადა, რომ იგი პირადად დაკავდება სააკაშვილის კიევში დაბრუნების საკითხით.
კიევი - Sputnik საქართველო, 1920, 13.10.2021
„არა მარტო ექსტრადიცია“ – კიევი სააკაშვილის ქვეყანაში დაბრუნების გზებს ეძებს
დღეს გავრცელებული ინფორმაციით, უკრაინის გენერალური პროკურორის ოფისს მიხეილ სააკაშვილის კიევისთვის გადაცემის მოთხოვნით ქართული მხარისთვის ჯერ არ მიუმართავს.
სააკაშვილის წინააღმდეგ, რომელიც სამშობლოში არალეგალურად სექტემბრის ბოლოს დაბრუნდა, საქართველოში რამდენიმე სისხლის სამართლის საქმეა აღძრული.
ექს-პრეზიდენტს დაუსწრებლად განაჩენი გამოტანილი აქვს ორ საქმეზე – სანდრო გირგვლიანის მკვლელობის საქმეზე დაპატიმრებულთა ამნისტიის და დეპუტატ ვალერი გელაშვილის ცემის ფაქტებზე. პირველ საქმეზე მას 3 წლით პატიმრობა, ხოლო მეორეზე - 6 წლით თავისუფლების აღკვეთა აქვს მისჯილი. გარდა ამისა, სააკაშვილი ბრალდებულია „ტელეიმედის", 7 ნოემბრის დარბევის, პატარკაციშვილების ქონების უკანონოდ დაუფლებისა და ბიუჯეტის თანხების გაფლანგვაში. აღნიშნულ საქმეებზე სასამართლო განხილვები მიმდინარეობს.
თავად სააკაშვილი საკუთარ თავს პოლიტპატიმარს უწოდებს.
ყველა ახალი ამბავი
0