სალომე ზურაბიშვილი ეუთოს გენერალურ მდივანს შეხვდა

© President of Georgia Salome Zourabichviliსალომე ზურაბიშვილი
სალომე ზურაბიშვილი - Sputnik საქართველო, 1920, 13.10.2021
გამოწერა
საქართველოს პრეზიდენტი ავსტრიაში ოფიციალური ვიზიტის ფარგლებში, რომელიც გუშინ დაიწყო, შეხვედრებს განაგრძობს
თბილისი, 13 ოქტომბერი — Sputnik. საქართველოს პრეზიდენტი სალომე ზურაბიშვილი ავსტრიაში ოფიციალური ვიზიტის ფარგლებში, დღეს ეუთოს გენერალურ მდივანს, ჰელგა მარია შმიდტს შეხვდა. ამის შესახებ ინფორმაციას პრეზიდენტის ადმინისტრაცია ავრცელებს.
შეხვედრაზე მხარეებმა სხვადასხვა საკითხებში ქალთა ჩართულობის გაზრდის აუცილებლობაზე ისაუბრეს, განსაკუთრებით კი იმ სფეროებში ქალთა გააქტიურებაზე, სადაც მამაკაცების როლი მეტად დომინანტურია, მაგალითად, როგორიცაა პოლიცია, ან საინფორმაციო ტექნოლოგიები.
პრეზიდენტის ადმინისტრაციის ინფორმაციით, ზურაბიშვილი ეუთოს მხარდაჭერით თბილისში კონფერენციის ჩატარებაზეც მუშაობს.
„ვმუშაობ პროექტზე, რომ თბილისში ეუთოს მხარდაჭერით ჩატარდეს კონფერენცია ქალი ლიდერების მონაწილეობით კონფლიქტის გადაჭრის, მშვიდობისა და უსაფრთხოების საკითხებზე", - განაცხადა პრეზიდენტმა.
საქართველოს ორეზუდენტის ვიზიტი ავსტრიაში - Sputnik საქართველო, 1920, 12.10.2021
მთები, პოლიტიკა და პანდემია: რაზე ისაუბრეს საქართველოს და ავსტრიის პრეზიდენტებმა ვენაში
როგორც შეხვედრაზე აღინიშნა, ეუთო იყენებს ყველა შესაძლებლობას, რომ ქალები მეტად იყვნენ ჩართული ყველა მიმართულებით, მათ შორის ეკონომიკურ, საფინანსო საკითხებში.
საქართველოს პრეზიდენტმა შეხვედრისას საქართველოში ქალთა პოლიტიკაში ჩართულობის საკითხთან დაკავშირებითაც გააკეთა კომენტარი და აღნიშნა, რომ სულ ცოტა ხნის წინ საქართველოში ადგილობრივი არჩევნები ჩატარდა, თუმცა, მისთვის სამწუხაროდ, არჩევნებში ქალი კანდიდატების რაოდენობა კვლავ მცირე იყო.
შეხვედრისას ასევე განიხილეს რეგიონში საქართველოს როლის მნიშვნელობა.
შეხვედრის შემდეგ საქართველოს პრეზიდენტმა და ეუთოს გენერალურმა მდივანმა, ქალ ელჩებთან ერთად გამოფენა, „ქალები მშვიდობისთვის“ დაათვალიერეს, რომელიც ავსტრიელ მწერალსა და საერთაშორისო პაციფისტური მოძრაობის აქტივისტ, ბერტა ფონ ზუტნერს ეძღვნება.
საქართველოს პრეზიდენტი სალომე ზურაბიშვილი ავსტრიაში ოფიციალური ვიზიტით გუშინ ჩავიდა, ის უკვე შეხვდა ავსტრიის პრეზიდენტ ალექსანდერ ვან დერ ბელენს.
სალომე ზურაბიშვილი ავსტრიაში - Sputnik საქართველო, 1920, 12.10.2021
სალომე ზურაბიშვილმა ავსტრიაში ვიზიტი დაიწყო
ზურაბიშვილი ავსტრიაში პირველი ოფიციალური ვიზიტით იმყოფება. დახვედრის ოფიციალური ცერემონია ჰაბსბურგების საპრეზიდენტო სასახლეში გაიმართა.
საქართველოს პრეზიდენტის ოფიციალური ვიზიტი ავსტრიაში 13 ოქტომბერს დასრულდება.
საქართველომ და ავსტრიამ დიპლომატიური ურთიერთობები 1992 წლის 25 მარტს დაამყარეს.
ყველა ახალი ამბავი
0