ენდოკრინოლოგის რჩევა: წყალზე მომზადებული ფაფა წონაში მოგამატებინებთ, თუ...

© Pixabay / cgdsroშვრიის ფაფა
შვრიის ფაფა - Sputnik საქართველო, 1920, 13.10.2021
გამოწერა
თბილისი, 13 ოქტომბერი — Sputnik. კვებაში დაშვებულმა შეცდომებმა შეიძლება სრულიად გააბათილოს ექიმის მიერ დანიშნული ყველაზე ეფექტური დიეტების, პრაპარატებისა თუ ფიზიკური ვარჯიშების შედეგები, აცხადებს ცნობილი ენდოკრინოლოგი და დიეტოლოგი ოლგა პავლოვა.
მისი თქმით, თუ ადამიანმა წონაში დასაკლებად ექიმს მიმართა, დაუშვებელია, რომ შემდეგ თვითნებურად შეცვალოს სპეციალისტის მიერ შედგენილი სქემა.
ბრინჯი ბასმატი - Sputnik საქართველო, 1920, 11.10.2021
„ბრინჯის დღეები“ წონაში უსაფრთხოდ დასაკლებად: მინუს 3 კგ ორ დღეში
ენდოკრინოლოგს თავისი ერთ-ერთი პაციენტის, 52 წლის ქალის მაგალითი მოჰყავს, რომელიც 151 კილოგრამს იწონიდა. როგორც ირკვევა, ქალი სანამ ექიმის დანიშნულებას ზედმიწევნით ზუსტად ასრულებდა, წონაში წარმატებით იკლებდა — სამ თვეში მან დაახლოებით რვა კილოგრამი დაიკლო, რაც მის შემთხვევაში კარგი შედეგი იყო.
მაგრამ შემდეგ მან თვითნებურად შეცვალა საუზმე — ცილოვანი საკვები ამოიღო და დილაობით წყალზე მომზადებული ფაფის ჭამა დაიწყო, რომელსაც ცოტა კარაქსაც ამატებდა. შედეგად, მან კუნთოვანი მასა დაკარგა და ცხიმოვანი ქსოვილები მოიმატა.
„დიდი ალბათობით, კიდევ სხვა წვრილმანებიც იყო, მაგრამ საუზმიდან ცილების ამოღება — ეს ყველაზე სერიოზული ფაქტორია“, — წერს სპეციალისტი.
ექიმი აფრთხილებს ყველას, ვინც წონაში დაკლებას გეგმავს:

„გთხოვთ, დაიმახსოვრეთ: ცილა ყოველი კვებისას უნდა მიიღოთ! თუ კვერცხი არ გინდათ, ხაჭო მიირთვით, თუ ხაჭო არ გინდათ, მოხარშული ქათმის ნაჭერი შეჭამეთ. ფაფები მხოლოდ ცილოვან საკვებზე დამატებით შეიძლება მიირთვათ, თანაც სულ 4-5 არასავსე კოვზი. ზოგადად, ფაფები საუკეთესო საკვებია მაშინ, როცა ადამიანს წონაში მომატება სურს და არა დაკლება!“

ხოლო იმისათვის, რომ საუზმე სრულიად იდეალური გამოვიდეს, ენდოკრინოლოგის თქმით, ცილებს მცენარეული უჯრედისიც უნდა დაამატოთ: ცოტა ხილი, კიტრი, პომიდორი, ისპანახი.
ჭარბწონიანი ადამიანი  - Sputnik საქართველო, 1920, 10.08.2021
გახდომის საუკეთესო ხერხი დიეტების გარეშე: ექიმი ასახელებს ბუნებრივ მეთოდს
„ისპანახი საერთოდაც სასწაულმოქმედი ბოსტნეულია, რომელიც ორგანიზმის კიბოს საწინააღმდეგო თავდაცვას აძლიერებს, ისევე, როგორც ბროკოლი და სხვა სახის კომბოსტოები“, — აზუსტებს პავლოვა.
ყველა ახალი ამბავი
0