რომის პაპის სადესპანო ბათუმის ტრაგედიის გამო მწუხარებას გამოთქვამს
გამოწერა
ბათუმში დატრიალებული ტრაგედიის გამო საქართველოს მისამართით სამძიმრების წერილების ნაკადი არ წყდება
თბილისი, 10 ოქტომბერი - Sputnik. საქართველოში წმინდა საყდრის ნუნციატურა ბათუმში საცხოვრებელი კორპუსის ჩამონგრევის შედეგად დაღუპულთა და დაშავებულთა ოჯახებს უსამძიმრებს.
ბათუმში, 26 მაისის ქუჩაზე პარასკევს ნაშუადღევს საცხოვრებელი სახლის სადარბაზო ჩამოინგრა. ბოლო მონაცემებით, სახლის ჩამონგრევის შედეგად დაიღუპა ცხრა ადამიანი, მათ შორის სამი ბავშვი. დაშავებულია ერთი მამაკაცი.
„რომის პაპის, ფრანცისკეს სამოციქულო ნუნციატურა ფიქრებით უერთდება სრულიად საქართველოს და ლოცულობს ბათუმის ტრაგედიის მსხვერპლთა სამუდამო განსვენებისთვის და გადარჩენილებისთვის, რათა მათ იპოვონ ნუგეში თავიანთ რწმენაში. მადლიერებას გამოვხატავთ ყველას მიმართ, ვინც დახმარება შეძლო“, – ნათქვამია წმინდა საყდრის ნუნციატურის სამძიმრის წერილში, რომელიც Twitter-ზე გავრცელდა.
The Apostolic Nunciature of Pope Francis joins in thoughts and prayers to those of the whole of Georgia for the eternal rest of the victims of the Batumi tragedy, for survivors that they may find comfort in their faith, and in gratitude to all who assist. 🇬🇪 pic.twitter.com/EbYNPsd4Kq
— Apostolic Nunciature in Georgia (@NunciatureGeo) October 9, 2021
მომხდართან დაკავშირებით დაკავებულია სამი პირი: პირველ სართულზე მდებარე ბინის მფლობელი და ორი დაქირავებული მუშა, რომლებიც სარემონტო სამუშაოებს მისი მითითებით ასრულებდნენ.
10 ოქტომბერი 2021, 14:22
მათ ბრალი წარედგინებათ სსკ-ის 240-ე მუხლით - სამშენებლო ან სხვა სამუშაოს წარმოებისას უსაფრთხოების წესის დარღვევის და სხვისი ნივთის დაზიანების ან განადგურების ფაქტებზე, რომელსაც ადამიანის სიცოცხლის მოსპობა და მძიმე შედეგი მოჰყვა. ბრალის დადასტურების შემთხვევაში კი ორიდან ათ წლამდე ვადით პატიმრობა ემუქრებათ.
საქართველო მთელი მსოფლიოდან სამძიმრის წერილებს იღებს. ბათუმში მომხდარმა ტრაგედიამ მთელი ქვეყანა შეძრა. 11 ოქტომბერი გლოვის დღედ გამოცხადდა.
