ბათუმში კორპუსის ჩამოგრევისას დაშავებულ არასრულწლოვანს ქვედა კიდური დაუზიანდა – ექიმი

© photo: Sputnik / Stringerერთ-ერთი ქუჩა ბათუმში, სადაც ჩამოინგრა სახლი
ერთ-ერთი ქუჩა ბათუმში, სადაც ჩამოინგრა სახლი - Sputnik საქართველო, 1920, 08.10.2021
გამოწერა
თბილისი, 8 ოქტომბერი – Sputnik. ბათუმში კორპუსის ჩამონგრევისას დაშავებულ ერთ-ერთ არასრულწლოვანს ამ ეტაპზე იაშვილის სახელობის ბათუმის დედათა და ბავშვთა ცენტრალურ ჰოსპიტალში კვლევები უტარდება, განუცხადა ჟურნალისტებს კლინიკის დირექტორმა თამარ ბახტაძემ.
მისი თქმით, არასრულწლოვანს, ზედაპირული დაზიანებების გარდა, ქვედა კიდურის დაზიანებაც აქვს.

„არასრულწლოვანს ამ ეტაპზე გადაუდებელი მედიცინის დეპარტამენტში კვლევები უტარდება. მას ქვედა კიდური აქვს დაზიანებული. ასევე აქვს ზედაპირული დაზიანებები მთელ სხეულზე. მას გონება არ აქვს დაკარგული და კონტაქტურია. კვლევის შედეგები მოგვიანებით გახდება ცნობილი“, – განაცხადა თამარ ბახტაძემ.

ჰოსპიტალში ამ ეტაპზე ბათუმში კორპუსის ნაწილის ჩამონგრევისას დაშავებული მხოლოდ ერთი არასრულწლოვანი იმყოფება.
ბათუმში, 26 მაისის ქუჩაზე საცხოვრებელი კორპუსის ერთი სადარბაზო მთლიანად ჩამოინგრა.
ადგილზე მობილიზებული არიან სამაშველო და სასწრაფო დახმარების სამსახურები. მაშველებმა კორპუსის ჩამონგრევის ადგილიდან ორი არასრულწლოვანი გამოიყვანეს, მათ შორის ერთი ახალშობილია.
ყველა ახალი ამბავი
0