ქუთაისის აეროპორტში მგზავრთნაკადი 48%-ით, რეისების რაოდენობა კი 64%-ით აღდგა

© courtesy of UN Studioქუთაისის აეროპორტი
ქუთაისის აეროპორტი - Sputnik საქართველო, 1920, 06.10.2021
გამოწერა
ამჟამად ქუთაისის საერთაშორისო აეროპორტიდან სამი ლოუკოსტერის თვითმფრინავებით რეისები 11 ქვეყანაში 20 მიმართულებით ხორციელდება.
თბილისი, 6 ოქტომბერი – Sputnik. ქუთაისის განახლებულ საერთაშორისო აეროპორტში, პანდემიის პირობებში, საჰაერო მიმოსვლის დადებითი დინამიკა შეიმჩნევა, აღნიშნულია საქართველოს აეროპორტების გაერთიანების მიერ გავრცელებულ ინფორმაციაში.
უწყების ინფორმაციით, აეროპორტმა სექტემბერში, კორონავირუსის პანდემიის პირობებში, მგზავრთნაკადის 48%-ის აღდგენა მოახერხა. კერძოდ, სექტემბრის განმავლობაში აეროპორტი მოემსახურა 43.926 მგზავრს. ეს მაჩვენებელი 2019 წლის ამავე პერიოდში 91 ათასზე მეტს შეადგენდა.
ასევე დადებითი დინამიკა შეინიშნება რეისების აღდგენის კუთხითაც. სექტემბერში, 2019 წლის ანალოგიურ პერიოდის მაჩვენებელთან შედარებით, რეისების 64% აღდგა – აეროპორტი მოემსახურა 192 რეისს ( 2019 წ. სექტემბერი - 302 რეისი).
WizzAir–ის თვითმფრინავი - Sputnik საქართველო, 1920, 28.09.2021
ქუთაისის განახლებული აეროპორტიდან კრაკოვის მიმართულებით ფრენები განახლდა
საქართველოს აეროპორტების გაერთიანების ინფორმაციით, ამჟამად ქუთაისის საჰაერო პორტი ემსახურება სამ ავიაკომპანიას, რომლებიც 11 ქვეყანაში 20 მიმართულებით ოპერირებენ, მათ შორის ყაზახეთის ოთხი და ევროპის 15 მიმართულებით.
სექტემბერში დავით აღმაშენებლის სახელობის აეროპორტიდან 163 პირდაპირი რეგულარული რეისი შესრულდა. 31 ოქტომბრიდან კი Wizz Air ქუთაისიდან ბარსელონის მიმართულებით აღადგენს პირდაპირ ფრენებს.
ოქტომბერში ქუთაისის საერთაშორისო აეროპორტიდან ევროპის მიმართულებით 121 რეგულარული რეისი, აზიის მიმართულებით კი 47 რეგულარული რეისი შესრულდება.
ავიაკომპანია Wizz Air - Sputnik საქართველო, 1920, 23.09.2021
აბუ-დაბი, ბარსელონა, ბერლინი და ვენა – ქუთაისის აეროპორტს მიმართულებები ემატება
საერთაშორისო ავიამიმოსვლა, რომელიც კორონავირუსის პანდემიის გამო 2020 წლის მარტიდან იყო შეჩერებული, საქართველომ 1 თებერვლიდან აღადგინა. ამჟამად ქვეყანაში ეტაპობრივად მიმდინარეობს ფრენების აღდგენა. საქართველო თავის ბაზარზე იბრუნებს საერთაშორისო ავიაკომპანიებს, რომლებიც კორონავირუსის პანდემიის გამო იძულებული იყვნენ ფრენები შეეწყვიტათ.
ყველა ახალი ამბავი
0