Предвыборная агитация. Европейская Грузия проводит встречи с избирателями. Флаги Грузии и НАТО - Sputnik საქართველო, 1920
არჩევნები 2021
საქართველოში 2 ოქტომბერს თვითმმართველობის არჩევნები გაიმართა. კენჭისყრის შედეგების თანახმად, ზოგ ქალაქსა და რაიონში მეორე ტურის ჩატარება გახდა აუცილებელი. 30 ოქტომბერს ქვეყნის მოსახლეობა 20 მერსა და საკრებულოების 42 მაჟორიტარ დეპუტატს ირჩევს.

გახარიას პარტიამ საკრებულოებში ალიანსის შექმნაზე კონსულტაციები დაიწყო

© press-service of George Gakhariaგიორგი გახარია
გიორგი გახარია - Sputnik საქართველო, 1920, 06.10.2021
გამოწერა
გახარიას პარტიაში კონსულტაციების ფაქტს არ უარყოფენ, თუმცა საბოლოო გადაწყვეტილებას ჯერ არ ახმაურებენ.
თბილისი, 6 ოქტომბერი – Sputnik. საქართველოს ყოფილი პრემიერ-მინისტრის გიორგი გახარიას პარტიამ „საქართველოსთვის“ საკრებულოებში კოალიციის შექმნის საკითხზე მოლაპარაკებები დაიწყო.
ამჟამად შეთანხმება მოლაპარაკების დაწყების თაობაზე პრაქტიკულად მიღწეულია ბათუმის საკრებულოსთან დაკავშირებით, სადაც ოპოზიციამ, წინასწარი მონაცემებით, უმრავლესობა მოიპოვა.

„პარტიებს შორის გარკვეული კონსულტაციები მიმდინარეობს. ჩვენ გვაქვს მოლოდინი, რომ საკრებულო ოპოზიციური იქნება. დარწმუნებული ვარ, რომ გახარიას პარტია გადაწყვეტილებას მიიღებს საზოგადოების დაკვეთით“, – განაცხადა პარტიის „ლელო საქართველოსთვის“ წევრმა ირაკლი რუხაძემ.

მისი სიტყვებით, არსებობს ალბათობა იმისა, რომ კონსულტაციების შემდეგ გახარიას პარტია მხარს დაუჭერს ოპოზიციის მხრიდან მის კანდიდატურას საკრებულოს თავმჯდომარის თანამდებობაზე.
გიორგი გახარია - Sputnik საქართველო, 1920, 06.10.2021
არჩევნები 2021
„ქართულ ოცნებას“ და „ნაცმოძრაობას" გახარიას ელექტორატის იმედი არ უნდა ჰქონდეთ – ექსპერტები
გახარიას პარტიაში კონსულტაციების ფაქტს არ უარყოფენ, თუმცა საბოლოო გადაწყვეტილებას ჯერ არ ახმაურებენ.
„ვინ დაიკავებს საკრებულოს თავმჯდომარის თანამდებობას, მნიშვნელობა არა აქვს, და ჩვენ არ გვინდა, რომ საკრებულოს თავმჯდომარე ჩვენი პარტიის წევრი იყოს. სხვა დეტალებზე კომენტარს მოგვიანებით გავაკეთებთ“, – აღნიშნა პარტიის „საქართველოსთვის“ წარმომადგენელმა ირაკლი თავდგირიძემ.
მთლიანად ქვეყანაში პროპორციული არჩევნების შედეგების მიხედვით, პირველი სამი ადგილი პარტიებს შორის შემდეგნაირად გადანაწილდა: „ქართული ოცნება“ – 46,74%, „ერთიანი ნაციონალური მოძრაობა“ – 30,68%, „საქართველოსთვის“ – 7,8%.
ყველა ახალი ამბავი
0