„ქურდები აყარეს“: დაკავებულთა შორის არიან „რიჟოვიჩი“, „პაპლიკა“, „მღვდელოვიჩი“, „წერტილა“

© photo: Sputnikხელბორკილი
ხელბორკილი - Sputnik საქართველო, 1920, 16.09.2021
გამოწერა
გორსა და ხაშურში ჩატარებული სპეცოპერაციის შედეგად მთლიანობაში 11 პირია დაკავებული.
თბილისი, 16 სექტემბერი – Sputnik. სამართალდამცველებმა „ქურდული სამყაროს“ წევრობის, „ქურდული სამყაროს“ საქმიანობის მხარდაჭერის და „ქურდული სამყაროს“ წევრისთვის მიმართვის ბრალდებით 11 პირი დააკავეს, 4 პირის მიმართ კი სისხლისსამართლებრივი დევნა დაიწყო, ნათქვამია შსს-ს მიერ გავრცელებულ განცხადებაში.
მასშტაბური სპეცოპერაცია გორსა და ხაშურში დღეს ჩატარდა.
მოსამართლის განჩინების საფუძველზე დაკავებულთა შორის არიან „ქურდულ სამყაროში“ ცნობილი პირები „რიჟოვიჩი“, „პაპლიკა“, „მღვდელოვიჩი“, „წერტილა“. ბრალდებულთა ასაკი 19-დან 58 წლამდეა.
როგორც გამოძიებით დადგინდა, აღნიშნული პირები აღიარებენ „ქურდულ სამყაროს“ და აქტიურ მონაწილეობას იღებდნენ სხვადასხვა კრიმინალურ მოქმედებებში.
სპეცოპერაცია კრიმინალის წინააღმდეგ ფონიჭალაში - Sputnik საქართველო, 1920, 16.09.2021
სპეცოპერაცია გორსა და ხაშურში: ვისზე „ნადირობენ“ ძალოვნები?
უწყების ინფორმაციით, ბრალდებულები უცხოეთში მყოფი ე.წ. კანონიერი ქურდის - „ტერტერას“ დავალებით მოქალაქეებს შორის არსებულ ფინანსურ დავებს აგვარებდნენ, რომელთაც „ქურდული წესების“ შესაბამისად განიხილავდნენ, თავიანთ სასარგებლოდ წყვეტდნენ და მოდავე მხარეებიდან ერთ-ერთს სადავო თანხის მიტანას აიძულებდნენ.
გარდა ამისა, ბრალდებულებმა ამავე „ტერტერას“ დავალებით ასევე „ქურდული სამყაროს“ წევრს, მეტსახელად „ჩაინიკას“ მისი კუთვნილი ავტომანქანა წაართვეს. მოგვიანებით კი, აღნიშნული მანქანის დაბრუნების მიზნით, ქურდული გარჩევა მოეწყო, რომელშიც „რიჟოვიჩი“ მონაწილეობდა. საბოლოოდ მანქანა „ჩაინიკას“ დაუბრუნდა.
აღნიშნულმა პირებმა ასევე კუთვნილი ავტომანქანა წაართვეს ერთ-ერთ მოქალაქეს, რომელიც საქმის გარჩევის შემდეგ, გარკვეული თანხის სანაცვლოდ დაუბრუნეს.
სამართალდამცველებმა ნივთმტკიცებად ამოიღეს ბრალდებულების კომპიუტერული ტექნიკა და მობილური ტელეფონები, რომელთა საშუალებითაც ისინი ერთმანეთს და საზღვარგარეთ მყოფ ქართველ „კანონიერ ქურდს“ უკავშირდებოდნენ.
სპეცოპერაცია - Sputnik საქართველო, 1920, 20.07.2021
„პალიკო", „მუხო", „ჯამა", „ლაპუხა" – „ქურდულ სამყაროსთან" კავშირისთვის 8 პირი დააკავეს
ასევე ამოღებულია დანაშაულებრივი გზით მოპოვებული, „მერსედესის“ მარკის ავტომანქანა და 15 ათასი დოლარი, „მაგნუმის“ და „კოლტის“ სისტემის ორი ცეცხლსასროლი იარაღი, ჯავშანჟილეტი და საბრძოლო ვაზნები.
გამოძიება „ქურდული სამყაროს“ წევრობის, „ქურდული სამყაროს“ წევრისთვის მიმართვის და „ქურდული სამყაროს“ საქმიანობის მხარდაჭერის ფაქტებზე საქართველოს სისხლის სამართლის კოდექსის 223-ე პრიმა მუხლის პირველი ნაწილით, 223-ე მე-3 პრიმა მუხლის მეორე ნაწილით და 223-ე მე-4 პრიმა მუხლის პირველი ნაწილით მიმდინარეობს. დანაშაულები 3-დან 10 წლამდე ვადით თავისუფლების აღკვეთას ითვალისწინებს.
ყველა ახალი ამბავი
0