https://sputnik-georgia.com/20210916/biznes-asociacia-saqartvelosi-saqmiani-klimati-umjobesdeba-259632197.html
ბიზნეს-ასოციაცია: საქართველოში საქმიანი კლიმატი უმჯობესდება
ბიზნეს-ასოციაცია: საქართველოში საქმიანი კლიმატი უმჯობესდება
Sputnik საქართველო
ბიზნესი პანდემიას მოერგო – ქართველი მეწარმეები, მიუხედავად ყველა არსებული პრობლემისა, ოპტიმისტურად არიან განწყობილი. 16.09.2021-ს, Sputnik საქართველო
2021-09-16T09:41+0400
2021-09-16T09:41+0400
2023-08-17T18:14+0400
ახალი ამბები
საქართველოს ეკონომიკა
საქართველოს ბიზნესგარემო
covid-19
https://cdnn1.img.sputnik-georgia.com/img/07e5/09/06/259343843_18:0:1600:890_1920x0_80_0_0_036dce32cf6de02cc6d7561082f2c289.jpg
თბილისი, 16 სექტემბერი – Sputnik. ეკონომიკის ზრდასთან ერთად საქართველოში საქმიანი კლიმატიც უმჯობესდება, ნათქვამია საქართველოს ბიზნეს-ასოციაციის (BAG) 2021 წლის მესამე კვარტლის კვლევაში.საქართველოს ბიზნეს-ასოციაცია 2009 წელს შეიქმნა და ის ქვეყნის 70-ზე მეტ წამყვან კომპანიას აერთიანებს, მათ შორის ბანკებს, სააფთიაქო ქსელებს, გასამართ სადგურებს, სამშენებლო კომპანიებს, საკომუნიკაციო კომპანიებს, ასევე სუპერმარკეტების ქსელებს.BAG-ის 2021 წლის მესამე კვარტლის ინდექსის თანახმად, გამოკითხულმა კომპანიებმა დადებითად შეაფასეს თავაინთი მიმდინარე სიტუაცია და მოლოდინები შემდეგ ექვს თვეში.ამავდროულად, ქვეყანაში ეპიდემიოლოგიური ვითარების გაუარესების ფონზე საქმიანი განწყობა მხოლოდ მცირედ დაეცა და კვლავ შესამჩნევად პოზიტიურია. ეს შეფასება მეტყველებს, რომ ბიზნესი ეკონომიკის სწრაფი აღდგენის მოლოდინშია, მიუხედავად ეკონომიკური აქტიურობის მცირე შენელებისა და პანდემიის მომდევნო ტალღის შესაძლო ნეგატიური შედეგებისა.დადებითი დინამიკა, რომელიც წინა კვარტლებში შეზღუდვების მოხსნის შედეგად დაიწყო, მესამე კვარტალში გრძელდება. BAG-ში აღნიშნავენ, რომ მესამე კვარტლის შედეგები მნიშვნელოვნად გაუმჯობესდა გასული წლის ანალოგიურ პერიოდთან შედარებით, რაც უკავშირდება პანდემიის გამო შექმნილ გარემოებებთან ბიზნესის ადაპტაციას და ეკონომიკის გამოცოცხლებას.კვლევის თანახმად, ბიზნესის სფერო მკვეთრ გაუარესებას აღარ ელოდება, ეს ნიშნავს, რომ, გასული წლისგან განსხვავებით, პანდემიის ნეგატიური გავლენა შემცირდა.კომპანიის კვლევაში BAG-ის წევრები ოთხ სექტორად არიან დაყოფილი: ვაჭრობა, მომსახურება, მრეწველობა და მშენებლობა.მიმდინარე წლის მესამე კვარტალში, მეორე კვარტალთან შედარებით, საქმიანი კლიმატის მაჩვენებელი დადებითია ყველა სექტორისთვის, გარდა მრეწველობისა. გაუარესების მიუხედავად, ამ დარგში მომუშავე გამოკითხული კომპანიები მიმდინარე ვითარებას დადებითად აფასებენ.რაც შეეხება სამშენებლო სექტორს, მაჩვენებლის გაუმჯობესების მიუხედავად, კომპანიები პესიმისტურად არიან განწყობილი.მეწარმეებმა ყველაზე დადებითი შეფასება ვაჭრობის სექტორს მისცეს. BAG-ის ინფორმაციით, გაყიდვები გამოკითხული კომპანიების 43,2%-მა გაზარდა.მოსახლეობის დასაქმებაBAG-ის კვლევით, გამოკითხული კომპანიების 23,6% აცხადებს, რომ მათ მიერ დაქირავებული თანამშრომლების რიცხვი გაიზარდა. შტატის შემცირებაზე მხოლოდ 4,7% საუბრობს.კომპანიების უმეტესობა აცხადებს, რომ დასაქმებულების რაოდენობა არ შეცვლილა და ცვლილებებს არც მეოთხე კვარტალში ელოდებიან.რა უშლის ხელს ბიზნესს საქართველოშილარის გაცვლითი კურსის არასტაბილურობა, სამართლებრივი და ადმინისტრაციული ბარიერები, საქონელზე და მომსახურებაზე მოთხოვნის არარსებობა, სპეციალისტები არასაკმარისი რაოდენობით – ყველაზე ნეგატიური ფაქტორებია, რომლებიც გავლენას ახდენს ბიზნესზე, მიიჩნევს გამოკითხული მეწარმეების 75%.წინა კვარტლისგან განსხვავებით, მესამე კვარტალში ამ ჩამონათვალში არ შევიდა შეზღუდული ფინანსური რესურსები.მიმდინარე კვარტალში პრობლემებს შორის პირველი ადგილი კვლავ ეროვნული ვალუტის არასტაბილურობას უკავია. გამოკითხულთა 68 პროცენტი ამას დამაბრკოლებელ ფაქტორს უწოდებს.
https://sputnik-georgia.com/20210915/eqsporti-saqartvelodan-izrdeba-xelisuflebis-prognozi-259602509.html
https://sputnik-georgia.com/20210901/ekonomikuri-zrda-saqartveloshi-axali-statistika-259199045.html
https://sputnik-georgia.com/20210914/turnava-msoflio-ekonomikuri-tavisuflebis-reitingsi-mexute-adgilze-259587954.html
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/09/06/259343843_413:0:1600:890_1920x0_80_0_0_e45fbe3e8596c3fb2e72fd83b4104212.jpgSputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საქართველოს ეკონომიკა, საქართველოს ბიზნესგარემო , covid-19
ახალი ამბები, საქართველოს ეკონომიკა, საქართველოს ბიზნესგარემო , covid-19
ბიზნეს-ასოციაცია: საქართველოში საქმიანი კლიმატი უმჯობესდება
09:41 16.09.2021 (განახლებულია: 18:14 17.08.2023) ბიზნესი პანდემიას მოერგო – ქართველი მეწარმეები, მიუხედავად ყველა არსებული პრობლემისა, ოპტიმისტურად არიან განწყობილი.
თბილისი, 16 სექტემბერი – Sputnik. ეკონომიკის ზრდასთან ერთად საქართველოში საქმიანი კლიმატიც უმჯობესდება, ნათქვამია საქართველოს ბიზნეს-ასოციაციის (BAG) 2021 წლის მესამე კვარტლის
კვლევაში.
საქართველოს ბიზნეს-ასოციაცია 2009 წელს შეიქმნა და ის ქვეყნის 70-ზე მეტ წამყვან კომპანიას აერთიანებს, მათ შორის ბანკებს, სააფთიაქო ქსელებს, გასამართ სადგურებს, სამშენებლო კომპანიებს, საკომუნიკაციო კომპანიებს, ასევე სუპერმარკეტების ქსელებს.
BAG-ის 2021 წლის მესამე კვარტლის ინდექსის თანახმად, გამოკითხულმა კომპანიებმა დადებითად შეაფასეს თავაინთი მიმდინარე სიტუაცია და მოლოდინები შემდეგ ექვს თვეში.
15 სექტემბერი 2021, 11:04
ამავდროულად, ქვეყანაში ეპიდემიოლოგიური ვითარების გაუარესების ფონზე საქმიანი განწყობა მხოლოდ მცირედ დაეცა და კვლავ შესამჩნევად პოზიტიურია. ეს შეფასება მეტყველებს, რომ ბიზნესი ეკონომიკის სწრაფი აღდგენის მოლოდინშია, მიუხედავად ეკონომიკური აქტიურობის მცირე შენელებისა და პანდემიის მომდევნო ტალღის შესაძლო ნეგატიური შედეგებისა.
დადებითი დინამიკა, რომელიც წინა კვარტლებში შეზღუდვების მოხსნის შედეგად დაიწყო, მესამე კვარტალში გრძელდება. BAG-ში აღნიშნავენ, რომ მესამე კვარტლის შედეგები მნიშვნელოვნად გაუმჯობესდა გასული წლის ანალოგიურ პერიოდთან შედარებით, რაც უკავშირდება პანდემიის გამო შექმნილ გარემოებებთან ბიზნესის ადაპტაციას და ეკონომიკის გამოცოცხლებას.
კვლევის თანახმად, ბიზნესის სფერო მკვეთრ გაუარესებას აღარ ელოდება, ეს ნიშნავს, რომ, გასული წლისგან განსხვავებით, პანდემიის ნეგატიური გავლენა შემცირდა.
კომპანიის კვლევაში BAG-ის წევრები ოთხ სექტორად არიან დაყოფილი: ვაჭრობა, მომსახურება, მრეწველობა და მშენებლობა.
მიმდინარე წლის მესამე კვარტალში, მეორე კვარტალთან შედარებით, საქმიანი კლიმატის მაჩვენებელი დადებითია ყველა სექტორისთვის, გარდა მრეწველობისა. გაუარესების მიუხედავად, ამ დარგში მომუშავე გამოკითხული კომპანიები მიმდინარე ვითარებას დადებითად აფასებენ.
რაც შეეხება სამშენებლო სექტორს, მაჩვენებლის გაუმჯობესების მიუხედავად, კომპანიები პესიმისტურად არიან განწყობილი.
მეწარმეებმა ყველაზე დადებითი შეფასება ვაჭრობის სექტორს მისცეს. BAG-ის ინფორმაციით, გაყიდვები გამოკითხული კომპანიების 43,2%-მა გაზარდა.
BAG-ის კვლევით, გამოკითხული კომპანიების 23,6% აცხადებს, რომ მათ მიერ დაქირავებული თანამშრომლების რიცხვი გაიზარდა. შტატის შემცირებაზე მხოლოდ 4,7% საუბრობს.
კომპანიების უმეტესობა აცხადებს, რომ დასაქმებულების რაოდენობა არ შეცვლილა და ცვლილებებს არც მეოთხე კვარტალში ელოდებიან.
14 სექტემბერი 2021, 16:44
რა უშლის ხელს ბიზნესს საქართველოში
ლარის გაცვლითი კურსის არასტაბილურობა, სამართლებრივი და ადმინისტრაციული ბარიერები, საქონელზე და მომსახურებაზე მოთხოვნის არარსებობა, სპეციალისტები არასაკმარისი რაოდენობით – ყველაზე ნეგატიური ფაქტორებია, რომლებიც გავლენას ახდენს ბიზნესზე, მიიჩნევს გამოკითხული მეწარმეების 75%.
წინა კვარტლისგან განსხვავებით, მესამე კვარტალში ამ ჩამონათვალში არ შევიდა შეზღუდული ფინანსური რესურსები.
მიმდინარე კვარტალში პრობლემებს შორის პირველი ადგილი კვლავ ეროვნული ვალუტის არასტაბილურობას უკავია. გამოკითხულთა 68 პროცენტი ამას დამაბრკოლებელ ფაქტორს უწოდებს.