რამდენი ამომრჩეველია საქართველოში: ცესკომ სიები განაახლა

© Sputnik / Vladimir Umikashviliსაარჩევნო ბიულეტენები
საარჩევნო ბიულეტენები - Sputnik საქართველო, 1920, 15.09.2021
გამოწერა
საქართველოში ადგილობრივი თვითმმართველი ორგანოების არჩევნები 2021 წლის 2 ოქტომბერს ჩატარდება.
თბილისი, 15 სექტემბერი — Sputnik. საქართველოში 3.540.609 პოტენციური ამომრჩეველია, ნათქვამია ცენტრალური საარჩევნო კომისიის (ცესკო) ვებ-გვერდზე გავრცელებულ განცხადებაში.
საქართველოს სახელმწიფო სერვისების განვითარების სააგენტომ ელექტრონულ ბაზაზე დაყრდნობით ცესკოს ამომრჩეველთა განახლებული სია გადასცა.

„განახლებული მონაცემების საფუძველზე საზოგადოების და შესაბამისი ჩართული მხარეების აქტიურობით გვექნება კიდევ უფრო გაუმჯობესებული, კიდევ უფრო დახვეწილი ამომრჩეველთა ერთიანი სიები“, – განაცხადა ცესკოს თავმჯდომარემ გიორგი კალანდარიშვილმა.

ამომრჩეველთა ახალი სიის შედგენის პროცესზე ისაუბრა სახელმწიფო სერვისების განვითარების სააგენტოს ხელმძღვანელმა ზურაბ სანიკიძემ. მისი თქმით, 2014 წლიდან საქართველოში ფოტოსურათიანი ბიომეტრიული საარჩევნო სია მოქმედებს.
„ჩვენ შეგვიძლია თამამად ვთქვათ, რომ დამოუკიდებელი საქართველოს ისტორიაში ეს არის ყველაზე სრულყოფილი, ყველაზე ამომწურავი და ყველაზე გამჭვირვალე სია, რაც განამტკიცებს სრულად იმ მთავარ პრინციპს, რასაც ჰქვია „ერთი ამომრჩეველი – ერთი ხმა“, – განაცხადა სანიკიძემ.
საარჩევნო ბიულეტენების დათვლა - Sputnik საქართველო, 1920, 15.09.2021
საარჩევნო უბნებზე ხმების დათვლის პროცესს ვიდეოკამერებით გადაიღებენ
მონაცემების დამუშავების შემდეგ ამომრჩეველთა განახლებული სიების საჯარო ვერსია ხელმისაწვდომი იქნება პარტიებისთვის, საინიციატივო ჯგუფებისთვის, სადამკვირვებლო ორგანიზაციებისა და ამომრჩევლებისთვის.
„საქართველოს საარჩევნო კოდექსის“ თანახმად, სახელმწიფო სერვისების განვითარების სააგენტო ცენტრალურ საარჩევნო კომისიას ამომრჩეველთა სიის ფორმირებისთვის საჭირო მონაცემებს წელიწადში ოთხჯერ აწვდის, ხოლო საარჩევნო პერიოდში გადასცემს მოთხოვნის შესაბამისად.
საქართველოში ადგილობრივი თვითმმართველი ორგანოების არჩევნები 2021 წლის 2 ოქტომბერს ჩატარდება. მოსახლეობა 64 მუნიციპალიტეტის საკრებულოს დეპუტატებს და ამდენივე მერს აირჩევს.
ყველა ახალი ამბავი
0