პოლიციამ სამი არასრულწლოვნის დაჭრის ფაქტზე 14 წლის მოზარდი დააკავა

© photo: Sputnikსაპატრულო პოლიცია
საპატრულო პოლიცია - Sputnik საქართველო, 1920, 14.09.2021
გამოწერა
ბრალდების მუხლი 16-დან 20 წლამდე ვადით თავისუფლების აღკვეთას ითვალისწინებს.
თბილისი, 14 სექტემბერი — Sputnik. სამართალდამცველებმა თბილისში სამი არასრულწლოვნის მიმართ დამამძიმებელ გარემოებაში ჩადენილი განზრახ მკვლელობის მცდელობის ბრალდებით 14 წლის მოზარდი დააკავეს, ნათქვამია შსს-ს მიერ გავრცელებულ განცხადებაში.
როგორც გამოძიებით დადგინდა, დაკავებულმა 13 სექტემბერს ურთიერთშელაპარაკების ნიადაგზე ცივი იარაღით მრავლობითი ჭრილობები მიაყენა ერთ 14 წლის და ორ 15 წლის მოზარდებს. პოლიციამ დამნაშავე მომხდარიდან რამდენიმე საათში, „ცხელ კვალზე“ დააკავა. ნივთმტკიცებად ამოღებულია დანაშაულის ჩადენის იარაღი – დანა.
დამაშაულის ადგილი – ყვითელი ლენტი - Sputnik საქართველო, 1920, 13.09.2021
მოზარდებს შორის სისხლიანი დაპირისპირების მიზეზი განსხვავებული მუსიკალური გემოვნება გახდა
მასმედიაში გავრცელებული ინფორმაციით, ვაგზლის მოედნის მიმდებარე ტერიტორიაზე მოზარდებს შორის გუშინ მომხდარი სისხლიანი დაპირისპირების მიზეზი განსხვავებული მუსიკალური გემოვნება გახდა.
გამოძიება სსკ-ის 19-109-ე მუხლით მიმდინარეობს, რაც დამამძიმებელ გარემოებაში განზრახ მკვლელობის მცდელობას გულისხმობს და 16-დან 20 წლამდე ვადით თავისუფლების აღკვეთას ითვალისწინებს.
ყველა ახალი ამბავი
0