მოზარდებს შორის სისხლიანი დაპირისპირების მიზეზი განსხვავებული მუსიკალური გემოვნება გახდა

© photo: Sputnik / Stringerდამაშაულის ადგილი – ყვითელი ლენტი
დამაშაულის ადგილი – ყვითელი ლენტი - Sputnik საქართველო, 1920, 13.09.2021
გამოწერა
შემთხვევის ადგილზე მობილიზებული არიან სამართალდამცველები და მიმდინარეობს საგამოძიებო და ოპერატიული ღონისძიებები.
თბილისი, 13 სექტემბერი — Sputnik. თბილისში არასრულწლოვნებს შორის ჩხუბი სამი მოზარდის დაჭრით დასრულდა. „Sputnik–საქართველოს“ ინფორმაცია შინაგან საქმეთა სამინისტროში დაუდასტურეს.
შემთხვევა ვაგზლის მოედნის მიმდებარე ტერიტორიაზე დაახლოებით ნახევარი საათის წინ მოხდა.
სასწრაფო დახმარების ეკიპაჟის მიერ კლინიკაში შემოყვანილია ორი 15 წლის და ერთი 13 წლის მოზარდი, რომლებსაც ჭრილობები ბასრი საგნით აქვთ მიყენებული. ამ ეტაპზე ჭრილობები შეფასდა როგორც ზედაპირული და ოპერაციულ ჩარევას არ საჭიროებენ. შემდგომი მონიტორინგის და კვლევის მიზნით მოზარდები სტაციონარში დარჩებიან", – განაცხადა კლინიკის წარმომადგენელმა ტელეკომპანია Rustavi-2-ის ეთერში.
მასმედიაში გავრცელებული ინფორმაციით, მოზარდებს შორის სისხლიანი დაპირისპირების მიზეზი განსხვავებული მუსიკალური გემოვნება გახდა.
მომხდარ ფაქტზე გამოძიება სისხლის სამართლის კოდექსის 19-109 მუხლით დაიწყო, რაც განზრახ მკვლელობის მცდელობას გულისხმობს.
ადგილზე მობილიზებული არიან სამართალდამცველები და მიმდინარეობს საგამოძიებო და ოპერატიული ღონისძიებები.
ყველა ახალი ამბავი
0