სტიქია ხობში: ძლიერმა ქარმა და წვიმამ სახლები დააზიანა და მოსავალი გაანადგურა

© Facebook / Tv kvemo kartliწაქცეული ხე
წაქცეული ხე - Sputnik საქართველო, 1920, 12.09.2021
გამოწერა
ძლიერი ქარის და წვიმის შედეგად ხობის მუნიციპალიტეტში დაიტბორა საცხოვრებელი სახლები და სავარგულები
თბილისი, 12 სექტემბერი – Sputnik. ძლიერმა ქარმა ხობის მუნიციპალიტეტში პრობლემები შექმნა, ინფორმაციას ხობის მუნიციპალიტეტი ავრცელებს.
სტიქიის შედეგად ყველაზე მეტად დაზარალდა ახალი ხიბულას თემის სოფელი ზუბი, სადაც ძლიერმა ქარმა მოგლიჯა ხეები, დააზიანა სახლები. რამდენიმე სახლს ქარმა სახურავები გადახადა. ხე დაეცა სატვირთო მანქანას. ძლიერმა ქარმა წააქცია ხეები და დააზიანა ელექტროგადამცემი ხაზები. ამ დროისთვის სოფელს ელექტროენერგია არ მიეწოდება.
საბავშვო მოედანი წვიმის შემდეგ - Sputnik საქართველო, 1920, 11.09.2021
ძლიერი წვიმა, ქარი და სეტყვა - საქართველოში ამინდი გაუარესდება
ადგილობრივების ინფორმაციით, ქარს ახლდა ძლიერი წვიმა, რამაც სრულად გაანადგურა საყოფაცხოვრებო ნივთები. მათივე თქმით, ასევე განადგურებულია მოსავალი და სახნავ-სათესი სავარგულები. მათი ინფორმაციით, სოფლის სასაფლაოზე წაქცეულმა ხემ საფლავები დააზიანა.
ადგილზე იმყოფებიან ხობის მუნიციპალიტეტის მერის მოვალეობის შემსრულებელი მახარე ჩოკორაია, მერიის შესაბამისი სტრუქტურული ერთეულის და სამაშველო სამსახურის წარმომადგენლები.
უწყების ინფორმაციით, წაქცეული ხეებისგან იწმინდება გზები და ეზოები. სოფლისთვის მიყენებულ ზარალს კომისია დაითვლის.
ყველა ახალი ამბავი
0