https://sputnik-georgia.com/20210908/nasvami-mzgolebistvis-sasjeli-mkacrdeba-259420580.html
ნასვამ მდგომარეობაში ავტომობილის მართვისთვის საქართველოში სასჯელი გამკაცრდება
ნასვამ მდგომარეობაში ავტომობილის მართვისთვის საქართველოში სასჯელი გამკაცრდება
Sputnik საქართველო
კანონპროექტის თანახმად, ავტომობილის მართვა არაფხიზელ მდგომარეობაში გამოიწვევს მართვის უფლების შეჩერებას ერთი წლის ვადით. 08.09.2021-ს, Sputnik საქართველო
2021-09-08T13:49+0400
2021-09-08T13:49+0400
2021-09-08T18:17+0400
საზოგადოება
ახალი ამბები
საქართველოს პარლამენტი
https://cdnn1.img.sputnik-georgia.com/img/07e5/03/0e/251166533_0:160:3072:1888_1920x0_80_0_0_16b8ac372375d83270ed7db7ff0a1446.jpg
თბილისი, 8 სექტემბერი — Sputnik. „საქართველოს ადმინისტრაციულ სამართალდარღვევათა კოდექსში“ შესატან ცვლილებებს, რომელიც ალკოჰოლური სიმთვრალის მდგომარეობაში სატრანსპორტო საშუალების მართვის შემთხვევაში ადმინისტრაციული ზომების გამკაცრებას ითვალისწინებს, დეპუტატებმა მესამე მოსმენით მხარი დაუჭირეს.პლენარულ სხდომაზე კანონპროექტს პარლამენტის 84-მა წევრმა დაუჭირა მხარი, წინააღმდეგი იყო ერთი დეპუტატი. კანონი ძალაში „საკანონმდებლო მაცნეში“ გამოქვეყნების შემდეგ შევა.კანონპროექტის ინიციატორი საპარლამენტო ოპოზიციური პარტია „მოქალაქეების“ ლიდერები ალეკო ელისაშვილი და ლევან იოსელიანი არიან. კანონპროექტის თანახმად, ალკოჰოლური სიმთვრალისას სატრანსპორტო საშუალების მართვა, აგრეთვე ალკოჰოლური სიმთვრალის დასადგენად შემოწმებისათვის თავის არიდება გამოიწვევს მართვის უფლების 1 წლით შეჩერებას.მართვის უფლების შეჩერების პერიოდში სატრანსპორტო საშუალების მართვა ალკოჰოლური სიმთვრალის მდგომარეობაში გამოიწვევს მძღოლის დაჯარიმებას 2 ათასი ლარით, ადმინისტრაციულ პატიმრობას 5-დან 15 დღემდე ვადით და სატრანსპორტო საშუალების მართვის უფლების შეჩერების ვადის 1 წლით გაზრდას.მოქმედი კანონმდებლობით, ნასვამ მდგომარეობაში ავტომობილის მართვა 6 თვით მართვის უფლების შეჩერებას იწვევს. განმეორებითი დარღვევა იწვევს ჯარიმას 700 ლარის ოდენობით და მართვის უფლების ერთი წლით შეჩერებას.2020 წელს ნასვამ მდგომარეობაში ავტომობილის მართვის გამო მომხდარი 137 ავტოავარიის შედეგად 9 ადამიანი დაიღუპა, 214 კი დაშავდა.
https://sputnik-georgia.com/20210907/fottan-avarias-axalgazrda-mamakaci-emsxverpla-259385890.html
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/03/0e/251166533_171:0:2902:2048_1920x0_80_0_0_96357097395822f98ab28bd0803c37e1.jpgSputnik საქართველო
media@sputniknews.com
+74956456601
MIA „Rosiya Segodnya“
საზოგადოება, ახალი ამბები, საქართველოს პარლამენტი
საზოგადოება, ახალი ამბები, საქართველოს პარლამენტი
ნასვამ მდგომარეობაში ავტომობილის მართვისთვის საქართველოში სასჯელი გამკაცრდება
13:49 08.09.2021 (განახლებულია: 18:17 08.09.2021) კანონპროექტის თანახმად, ავტომობილის მართვა არაფხიზელ მდგომარეობაში გამოიწვევს მართვის უფლების შეჩერებას ერთი წლის ვადით.
თბილისი, 8 სექტემბერი — Sputnik. „საქართველოს ადმინისტრაციულ სამართალდარღვევათა კოდექსში“ შესატან ცვლილებებს, რომელიც ალკოჰოლური სიმთვრალის მდგომარეობაში სატრანსპორტო საშუალების მართვის შემთხვევაში ადმინისტრაციული ზომების გამკაცრებას ითვალისწინებს, დეპუტატებმა მესამე მოსმენით მხარი დაუჭირეს.
პლენარულ სხდომაზე კანონპროექტს პარლამენტის 84-მა წევრმა დაუჭირა მხარი, წინააღმდეგი იყო ერთი დეპუტატი. კანონი ძალაში „საკანონმდებლო მაცნეში“ გამოქვეყნების შემდეგ შევა.
კანონპროექტის ინიციატორი საპარლამენტო ოპოზიციური პარტია „მოქალაქეების“ ლიდერები ალეკო ელისაშვილი და ლევან იოსელიანი არიან.
კანონპროექტის თანახმად, ალკოჰოლური სიმთვრალისას სატრანსპორტო საშუალების მართვა, აგრეთვე ალკოჰოლური სიმთვრალის დასადგენად შემოწმებისათვის თავის არიდება გამოიწვევს მართვის უფლების 1 წლით შეჩერებას.
მართვის უფლების შეჩერების პერიოდში სატრანსპორტო საშუალების მართვა ალკოჰოლური სიმთვრალის მდგომარეობაში გამოიწვევს მძღოლის დაჯარიმებას 2 ათასი ლარით, ადმინისტრაციულ პატიმრობას 5-დან 15 დღემდე ვადით და სატრანსპორტო საშუალების მართვის უფლების შეჩერების ვადის 1 წლით გაზრდას.
მოქმედი კანონმდებლობით, ნასვამ მდგომარეობაში ავტომობილის მართვა 6 თვით მართვის უფლების შეჩერებას იწვევს. განმეორებითი დარღვევა იწვევს ჯარიმას 700 ლარის ოდენობით და მართვის უფლების ერთი წლით შეჩერებას.
2020 წელს ნასვამ მდგომარეობაში ავტომობილის მართვის გამო მომხდარი 137 ავტოავარიის შედეგად 9 ადამიანი დაიღუპა, 214 კი დაშავდა.