ქვეყნდება ავღანეთიდან გასული უკანასკნელი სამხედროს ფოტო
12:09 31.08.2021 (განახლებულია: 15:52 20.07.2023)
© photo: Sputnik / Vladimir Pirogov
/ გამოწერა
თბილისი, 31 აგვისტო — Sputnik. აშშ-ის საჰაერო-სადესანტე კორპუსმა Twitter-ზე გამოაქვეყნა ფოტო, რომელზეც ავღანეთიდან გასული ბოლო ამერიკელი სამხედროა აღბეჭდილი.
„ეს იყო წარმოუდგენლად რთული, დაძაბული მისია, სავსე უამრავი სირთულითა და მუდმივი საფრთხეებით. ჩვენმა ჯარებმა გამოავლინეს გამძლეობა, დისციპლინა და თანაგრძნობა. ქვემოთ გთავაზობთ უკანასკნელი ჯარისკაცის ფოტოს, რომელმაც ავღანეთი დატოვა“, — ნათქვამია კორპუსის განცხადებაში.
In awe of our Sky Dragon Soldiers.
— XVIII Airborne Corps (@18airbornecorps) August 30, 2021
This was an incredibly tough, pressurized mission filled with multiple complexities, with active threats the entire time. Our troops displayed grit, discipline and empathy.
Below is a picture of the last Soldier to leave Afghanistan. pic.twitter.com/LnhBGHUf0M
CBSNews-ის მონაცემებით, ფოტოზე აღბეჭდილი სამხედრო, რომელიც თვითმფრინავ C-17-ში ადის — გენერალ-მაიორი კრის დონაჰიუა.
„მისი წასვლით იხურება ავღანეთიდან ამერიკელების, მოკავშირეებისა და მოწყვლადი ავღანელების ევაკუაციის მისია“, — აზუსტებს ტელეარხი.
31 აგვისტო 2021, 10:57
მანამდე აშშ-ის ცენტრალური სარდლობის მეთაურმა, გენერალმა კენეტ მაკენზიმ ბრიფინგზე დაადასტურა, რომ ქაბულის აეროპორტიდან უკანასკნელი ამერიკული სამხედრო თვითმფრინავი გაფრინდა, რითიც ავღანეთში აშშ-ის ოცწლიანი მისია დასრულდა.
იმავე დღეს „თალიბანის“ პოლიტოფისის წარმომადგენელმა მოჰამად ნაიმმა განაცხადა, რომ ავღანეთის ტერიტორია ყველა უცხოელმა სამხედრომ დატოვა და ახლა ქვეყანას სრულად აკონტროლებს „თალიბანი“.
