დრონი მეფობენ: ავღანელი ექს-მინისტრი გერმანიაში პიცის დამტარებლად მუშაობს – ფოტო

© Pexels / MART PRODUCTIONსაკვების მიმტანი ველოსიპედით
საკვების მიმტანი ველოსიპედით - Sputnik საქართველო, 1920, 23.08.2021
გამოწერა
კაცი, რომელიც ახლა პიცას დაატარებს ველოსიპედით, თავის დროზე ავღანეთის მობილური კავშირისა და საინფორმაციო ტექნოლოგიების მინისტრი იყო.
თბილისი, 23 აგვისტო — Sputnik. ყოფილი ავღანელი მინისტრი სეიდ აჰმად შათ საადათი გერმანიის ქალაქ ლაიფციგში პიცის დამტარებლად მუშაობს, იუწყება  EHA News.
აღინიშნება, რომ საადათი, რომელიც თავის დროზე ავღანეთის მობილური კავშირისა და საინფორმაციო ტექნოლოგიების მინისტრი იყო, ამჟამად კომპანია Lieferando-ს თანამშრომელია და ველოსიპედით პიცას დაატარებს.
​გავრცელებული ინფორმაციით, საადათი 2018 წლიდან შედიოდა აშრაფ ღანის მინისტრთა კაბინეტში და სოფლებში მობილური კავშირის ქსელების გაფართოებაზე აგებდა პასუხს. 2020 წელს საადათმა უარი უთხრა ღანის მთავრობას, გადაეცა მისი უწყებისთვის გამოყოფილი ფინანსები „თალიბანთან“ ბრძოლის სახელმწიფო პროგრამის ფარგლებში, რის გამოც ის აიძულეს თანამდებობიდან წასულიყო. პოსტიდან გადადგომის შემდეგ სეიდ აჰმად შათ საადათი გერმანიაში გაემგზავრა და იქ ახალი ცხოვრება დაიწყო.
რადიკალურმა მოძრაობა „თალიბანმა“, რომელიც ამ დროისათვის თითქმის სრულად აკონტროლებს ავღანეთს (გარდა ძნელად მისადგომი პანჯშირის პროვინციისა), ცოტა ხნის წინ ამნისტია გამოაცხადა როგორც ქვეყნის ყოფილი მაღალჩინოსნების, ისე დაპირისპირებული სამხედროებისა და ასევე უბრალო მოქალაქეების მიმართ.
ყველა ახალი ამბავი
0