„ლელომ“ თბილისის მერობის და საკრებულოს თავმჯდომარეობის კანდიდატები დაასახელა

© Sputnik / Vladimir Umikashviliპარტია „ლელოს“ აქცია
პარტია „ლელოს“ აქცია - Sputnik საქართველო, 1920, 23.08.2021
გამოწერა
თბილისის მერობის კანდიდატად პარტიამ ანა ბიბილაშვილი წარადგინა, ხოლო საკრებულოს თავმჯდომარეობის კანდიდატად ბადრი ჯაფარიძე დასახელდა.
თბილისი, 23 აგვისტო  — Sputnik. ოპოზიციურმა პარტიამ „ლელო საქართველოსთვის“ თბილისის მერობის და საკრებულოს თავმჯდომარეობის კანდიდატები წარადგინა. წარდგენის ტრანსლაცია პარტიის Facebook-გვერდზე მიმდინარეობდა.
გიგი უგულავა - Sputnik საქართველო, 1920, 21.08.2021
ყველანი უნდა ავიცრათ - გიგი უგულავა ფოთის მერობის კანდიდატია
თბილისის მერობის კანდიდატად პარტიამ ანა ბიბილაშვილი წარადგინა, ხოლო საკრებულოს თავმჯდომარეობის კანდიდატად ბადრი ჯაფარიძე დასახელდა.
კანდიდატების სრულ სიას ცესკო წარმოადგენს 8 სექტემბერს, როდესაც რეგისტრაციის პროცესი დასრულდება.  მერობის კანდიდატების დასახელება შეუძლიათ როგორც პარტიებს, ისე საინიციატივო ჯგუფებს. არჩევნებში გამარჯვების მოსაპოვებლად მერობის კანდიდატმა ამომრჩეველთა სულ მცირე 50% უნდა მოიპოვოს.
კანდიდატები პარტიის ლიდერმა მამუკა ხაზარაძემ წარადგინა.
მამუკა ხაზარაძის განცხადებით, ანა ბიბილაშვილი არის პროფესიონალი, ურბანისტი, არქიტექტორი, რომელსაც კონკრეტული ხედვა აქვს, არის მოწოდებული, რომ ქალაქის პრობლემები სხვანაირად იქნას გააზრებული.
„ლელო“ შეიქმნა, რათა მან გზა და ასპარეზი გაუხსნას ახალ საახეებს, პროფესიონალებს, რადგან ამ ქალაქს, ამ ქვეყანას სჭირდება მიზანი, გადატვირთვა, ახლებური გააზრება, თუ როგორი ქალაქი გვჭირდება ჩვენ. სწორედ ამ განწყობით გვინდა, შემოგთავაზოთ ადამიანი, წარმატებული ქალი, წარმატებული დედა, პროფესიონალი, ურბანისტი, არქიტექტორი, პროფესორი, რომელიც ასევე იღებდა მონაწილეობას სადოქტორო პროგრამებში ლისაბონში“, – განაცხადა მამუკა ხაზარაძემ.
შემდეგ ხაზარაძემ წარადგინა ბადრი ჯაფარიძე, რომელიც პარტიის გენერალური მდივანია.
„მე მინდა წარმოგიდგინოთ პარტიის საკრებულოს სიის პირველი ნომერი. ის არის ჩემი თანამებრძოლი, მეგობარი - ბადრი ჯაფარიძე. ის გაუძღვება ქალაქში საკრებულოს სიას და ჩვენ საკრებულოს თავმჯდომარეობისთვის ვიბრძოლებთ", - აღნიშნა ხაზარაძემ.
„ქართული ოცნების“ ოფისი - Sputnik საქართველო, 1920, 23.08.2021
ვინ გაიმარჯვებს არჩევნებზე: „ქართულმა ოცნებამ“ კვლევის შედეგები გამოაქვეყნა
პარტია „ლელო საქართველოსთვის“ ადგილობრივ არჩევნებში მე-9 ნომრად მიიღებს მონაწილეობას. აშშ-ის საერთაშორისო რესპუბლიკური ინსტიტუტის (IRI) ბოლოდროინდელი კვლევის შედეგებით, ამ დროისთვის ამომრჩევლებში პარტია 2%-იანი მხარდაჭერით სარგებლობს.
თბილისის მერობისთვის ბიბილაშვილის გარდა, საკუთარ ძალებს მოსინჯავენ დედაქალაქის მოქმედი მერი, მმართველი პარტია „ქართული ოცნების“ კანდიდატი კახა კალაძე, ოპოზიციური პარტია „ერთიანი ნაციონალური მოძრაობის“ ლიდერი ნიკა მელია, რომელიც ოპოზიციური პარტიების ნაწილმა მერობის კანდიდატად დაასახელა, „საქართველოს ლეიბორისტული პარტიის“ მიერ წარდგენილი მიხეილ ქუმსიშვილი და პარტია „ხალხისთვის“ ლიდერი ანა დოლიძე.
საქართველოში ადგილობრივი თვითმმართველობის არჩევნები 2 ოქტომბერს გაიმართება. ქვეყნის მოსახლეობა 64 მუნიციპალიტეტის საკრებულოს დეპუტატებს და ამდენივე მერს აირჩევს. არჩევნებში 50 პარტია იღებს მონაწილეობას.
ყველა ახალი ამბავი
0